Takisuumik nalunnguarneq oktobarimi sapaat siulleq aamma aallartinneqarpoq, ukioq manna tassaasoq oktobarip ulluisa 3-at. Nuummi Danmarkimilu naluttarfinnit peqataasunit 18-init naluttarfik Malik nr. 7-iuvoq.
Takisuumik nalunnguarneq 1989-imi Dansk Svømmeunion-imit aallartinneqarpoq. Aaqqissuussaq taanna naluttarfiup Malip maannakkut ukiuni arlaqalersuni peqataaffigisarpaa. Naluttarfik Malik akulikitsumik pitsaanerit 10-t akornanniittarsimavoq.
Tamannalu allanngunngilaq, naluttarfiup tulluusimaarluni 7-inngornini takutissinnaagamiuk ataatsimut 151.850 meteritut takitigisumut peqataasunit tamanit katillugit aaqqissuinermi anguneqarmata.
Naluttarfik Malimmi inspektøri, Daniel K. Lyberth, tusagassiutinut nalunaarummi nalunaaruteqarpoq, aaqqissuussinerup isumarigaa inuit takkunnissaannut periarfissiinissaq naluttarfimmilu nalunnissaat. Tassalu naluttarfimmiikulasartunut aamma naluttarfimmiikulaneq ajortunut.
Peqataasut
Takisuumik nalunnguarneq tamanut ulluummat Malimmi peqataasut assigiinngiiaartarput, meeraaqqaniit utoqqarnut, taakkulu akeqanngitsumik isertarput. Peqataasut angerlaassassaminnik diplominnallutillu saqqarmiunnapput peqataasimanertik pillugu. Aammattaaq naatitanik, saftimik kaffimillu peqataasut tamarmik tunineqarput.
Ullormi tassani nal. 8.00-miit nal. 14.00-mut peqataasut katillugit 178-iupput.
Diplominninnannerup saqqarmiunnannerullu saniatigut innuttaasut sisamat akissarsitinneqarput takinerpaamik nalussimanertik pillugu. Taakku quppernerup ataatungaani assimi takuneqarsinnaapput. Naluttarfiit assigiinngitsut angusaat takusinnaavatit uani”.
Ulloq iluatsilluartumik naavoq, kommune aamma naluttarfik Malik aaqqissuussamut peqataasunut tamanut qujajumavoq.
