Services

Nuuk Nordisk Kulturfestivalernerani meeqqat 13-it inorlugit ukiullit akeqanngitsumik isersinnaatitaapput

Nuuk Nordisk Kulturfestival oktobarip 28-anni aallartinneqarpat, ulluni sisamani tusarnaartitsinerit, isiginnaartitsinerit saqqummersitsinerillu ingerlanneqassapput, taakkunanilu meeqqanut neqerooruterpassuaqassaaq. Saniatigullu 13-it inorlugit ukiullit tamarmik akeqanngitsumik isersinnaapput.

Nuuk Nordisk Kulturfestivaleqarnerani inuusuttunut inersimasunullu kingusissukkut tusarnaartitsinerit kisiisa pineqanngillat, allarpassuaqassaarli. Meeqqanut 13-it inorlugit ukiulinnut assigiinngitsunik neqerooruteqarput, taakkulu kulturisiornermi aaqqissuussanut tamanut akeqanngitsumik isersinnaapput.

Jens Kleist 28-anni 29-annilu tusarnaartitsillattaartassaaq aamma kulturisioqatigiinnermi ulluni taakkunani sisamani meeqqanut isiginnaartitsisoqartarlunilu atuffassisoqartassaaq.

Inersimasutut kulturisioqatigiinnermut pisussanut tamanut taamaallaat billetimut 299 koruuninik akiliissaatit, oqaatigineqareersutullu meeqqat akeqanngitsumik isersinnaatitaapput. Meeqqanut billetimik aallerniaruit una linki tuuginnassavat.

Tassani kulturisioqatigiinnermi aaqqissuussat ilai, meeqqanut inuusuttunullu tunngasut, takusinnaavatit. (programmi)