Innuttaasunut

Nunat Avannarliit Nuummi kulturisioqatigiinnerannik aaqqissuussisut aaqqissuussamut akeqanngitsumut inuusuttut qaaqquaat

Paasissutissaq qangarnissaq

Akit, ammasarfiit, malittarisassallu il.il. uani saqqummiunneqartut qanganitsersimasinnaapput.

13-it 21-llu akornanni ukioqaruit festivalimi inuusuttut nipilersorfissaanni NUIF-imiittumi akeqanngitsumik tusarnaariarsinnaavutit. Taamaallaat kinaassutsimut uppernarsaat coronapas-ilu nassarnissaat piumasaqaataavoq.

Tallimanngornermi oktobarip 29-anni NUIF-imi unnukkut rapperneq sammineqassaaq. Arfininngornermi oktobarip 30-anni nipilersoriaaseq sakkortooq, Metal, sammineqassaaq. Ullunili taakkunani coronapas-imik peqaruit 13-it 21-llu akornanni ukioqarnerit uppernarsarsinnaagukku akeqanngitsumik isersinnaavutit.

Rappernermi Klumben og Raske Penge, ”NUIF” Rappers, Tomba aamma Jens Kleist appisimaassapput. Arfininngornermi ”NUIF Band”, Viana F aamma Pukuut sakkortuumik nipilersoriaaseqarlutik appisimaassapput.

Kulturiusioqatigiinnermi ullut tamaasa peqataaffiginiarukkit billet-imik pisinissaq pisariaqarpoq, uanilu pisisinnaavutit.