Piorsarsimassuseq

Qitittartut takutitsisartullu silarsuaanneersunik NNK 21-mi misigisaqarit

Paasissutissaq qangarnissaq

Akit, ammasarfiit, malittarisassallu il.il. uani saqqummiunneqartut qanganitsersimasinnaapput.

Nunat Avannarliit Nuummi kulturisioqatigiinnerat nipilersornermut tunngasuinnaanngilaq. Pia Arke, Jessie Kleemann aamma Jeannette Ehlers saqqummersitaat ”Atlantikumi / I Atlanterhavet” Nuummi Eqqumiitsulianik Saqqummersitsivimmi alutorsaatigiartorsinnaavat aamma Bobbi Lo-p ASK-imi qitinnermik takutitsinera isiginnaariarsinnaallugu. Tiguartiffigikkit!

Bobbi Lo kiisalu Pia Arke, Jessie Kleemann aamma Jeannette Ehlers isiginnaartitsisarnerup silarsuaanni ajasoornaannartumik misilittagaqarput, killissaqanngitsuusamik periarfissaqarlutillu ersersitseriaaseqarput. Bobbi Lo ASK-imi arfininngornermi oktobarip 30-anni aamma sapaammi oktobarip 31-anni kusanarluinnartumik qitinnera takusarneqarsinnaavoq.

Pia Arke, Jessie Kleemann aamma Jeannette Ehlers saqqummersitami ”Atlantikumi / I Atlanterhavet” Nuummi Eqqumiitsulianik Saqqummersitsivimmi ilanngussaqassapput, kulturisioqatigiinnerullu ulluani siullermi oktobarip 28-anni ammarneqassalluni takusarneqarsinnaassaarlu oktobarip 31-at tikillugu, ullorlu taanna aamma Nunat Avannarliit Nuummi kulturisioqatigiinnerat naammassineqassaaq, kingumullu aaqqissuunneqassalluni 2023-mi.

Saqqummersitsinermi pineqarluni Danmarkip Kalaallit Nunaatalu akornanni nunasiaateqarneq kiisalu De Vestindiske Øer, sumiiffiillu taakku marluk Atlantikoq akornaniimmat saqqummersitsinermi aamma taaguutaassaaq. Arnat taakku pingasuullutik saqqummersitsinerminni namminneq oqaluttuassartatik ataatsimullu oqaluttuassartatik annertuut ersersinniarlugit assit, videoliat, qalipakkat takutitsinerlu atussavaat.

Billitsit maannakkumiit pisiarineqarsinnaalerput, linki una aqqutigalugu