Timmiaaqqat, Narsarmiutaq aamma USK-imi atuaqatigiit pingasut 14. septembarimi aallarteqqissapput. Illu aamma ASK-imi atuaqatigiit 16. septembarimi aallarteqqissapput.
Nuummi atuaqatigiit sisamat aamma ulluunerani paaqqinniffiit pingasut sapaatit akunneranni kingullermi coronap tuniluunnera peqqutigalugu matoqqatinneqarput. Matumani nualluutip immikkoortua Delta pineqarmat, tunillatsissimasunut qanillisimasut tamarmik ulluni arfineq marlunni angerlarsimasussaapput, misissorteqqinnerminni tunillatsissimanngitsut paasineqarnissaasa tungaanut.
Ulluunerani paaqqinniffimmi kattussiviusumi Timmiaaqqat-ni, AKO Narsarmiutaq-mi aamma USK-imi atuaqatigiit pingasut tamarmik ataasinngornermi 13. septembarimi misissortipput. Tamarmik tunillatsissimanngitsut paasineqarpoq, taamaattumillu marlunngornermi 14. septembarimi uteqqissinnaalerput.
AKO Illu-mi aamma ASK-imi atuaqatigiinni ataatsini meeqqat inersimasullu 15. septembarimi misissortittussaapput. Taamaattumik tunillaasinnaanngitsut tallimanngorpat 16. septembarimi utersinnaalissapput.
Meeqqat angerlartitaasimasut misissortissimanngitsullu aatsaat matusinermiit ullut 14-it qaangiunnerini atuarfimmut paaqqinniffimmulluunniit utersinnaapput. Tassalu Timmiaaqqat-nut, Narsarmiutaq-mut aamma USK-imut 24. septembarimi aamma Illu-mut ASK-imullu 26. septembarimi.
Meeqqat marluk inorlugit ukiullit taamaallaat ilaqutariinnit tunillatsissimasutut ilisimaneqanngitsuneersuugunik piumasaqaammut tassunga ilaatinneqanngillat.