Innuttaasunut

Charlotte Ludvigsen suli kommunalbestyrelsemiit tatigineqarpoq

Paasissutissaq qangarnissaq

Akit, ammasarfiit, malittarisassallu il.il. uani saqqummiunneqartut qanganitsersimasinnaapput.

Borgmester Charlotte Ludvigsen atorfilittallu pingasut juulip 22-ani siuleriiaat killeqqutiinnarlugit akiuussuserneqarmata kommunimi ingerlatsinermi pissuserissaarnissamut ileqqorissaarnissaq unioqqutinneqarpoq.

Ippassaq augustip 31-ani misissuineq kommunalbestyrelsemi oqaluuserineqarpoq, akunnerpaalunnilu partiinit tamanit sukumiisumik sammineqarluni.

Aammattaaq misissuinerup takutippaa borgmesteri unioqqutitsilluni pissaanermik atornerluisimanngitsoq, akiuussusersuinermut ataqatigiissaarisup atorfillillu akornanni attaveqaqatigiittarneq ingerlanneqarsimammat. Taamaattumillu borgmesteri piffissami tassani siorasaarisimanngilaq.

Misissuinerup inernilernerani atorfilittat iliuuserisimasaat uparuarneqarpoq. Taamaattumillu allaffissornerup iluani iliuusissanik pisariaqartunik iliuuseqartoqareersimalluni.

Kommunalbestyrelsip tamarmiusup kissaatigaa aaliangiusimallugulu sulisut politikerillu ingerlatsinermi ileqqorissaartuunissaq eqqortittuartassagaat, siorasaarinerillu sukkulluunniit akuersaarneqarsinnaanngitsut.

Borgmesteri kommunalbestyrelsimut utoqqatseqqippoq. Utoqqatsernera partiinit tamanit tusaatissatut tiguneqarpoq, taamatuttaarlu eqqartuussiserisut misissuinerat kommunalbestyrelsimut ilaasortanit tamanit tusaatissatut tiguneqarluni.

Kommuuneqarfik Sermersuumi kommunalbestyrelsimi partiini gruppini siulittaasut.

Juaaka Lyberth, Inuit Ataqatigiit

Martha Abelsen, Siumut

Justus Hansen, Demokraatit

Ken Madsen, Naleraq

Atsiornertalik uani takuneqarsinnaavoq