Innuttaasunut

Tunu ammaassiffigineqalermat nuannaajallannarpoq

Paasissutissaq qangarnissaq

Akit, ammasarfiit, malittarisassallu il.il. uani saqqummiunneqartut qanganitsersimasinnaapput.

Borgmester Charlotte Ludvigsenip Tunumi angallannerup ammaassiffigeqqinneqarnera nuannaarutigaa.

Naalakkersuisut ataasinngornermi tusagassiortunik katersuutsitsinerminni nalunaarutigaat sapaatip akunneranut pingasoriarluni timmisartuussisarnerit Islandip Kulusuullu akornanni aammalu Kulusuup Kitaatalu akornanni ammarneqartut.

“Tamanna nutaarsiassaavoq assut nuannersoq. Naalakkersuisut uatsinnut ´tusaaniarsimanerat´ pillugu nersualaarpakka, Charlotte Ludvigsen unnersiorpoq.

Kommuneqarfik Sermersuumi suleqatigiit tamarmik qangalili kissaatiginikuuaat Reykjavikip Kulusuullu akornanni timmisartuussisarnerup ammaqqinneqarnissaa.

”Maanna ineriartorneq ingerlaqqissinnaalerpoq, nunarsuarmut timmisartuussisarnerit ammaqqinneqarmata. Kommuneqarfik Sermersuup qangalili Tunup ammaqqinneqarnissaa kissaatigisimavaa, avataaniit tikeraanik takornarianillu tikinneqaqqissinnaalerniassammat. Peqatigitillugu nalinginnaasumik ingerlaqqilernissamut alloriarneq tulliuvoq. Soorunami pisortat malittarisassiaasa malinneqarnissaat aalajangiusimassavarput”, Charlotte Ludvigsen oqarpoq.