Sulisutit pissanganarluinnartumut pikkorissarnermut peqataanissamut Sermersooq Businessimiit qaaqquneqarput, tassanilu ilisimasalimmik ilitsersorneqarlutik qaannamik angallassisugut piginnaasaat qaffassarneqassapput.
Pikkorissarnermi anguniagaq
Pikkorissarnermi anguniakkat pingasut pingaarnerussapput:
- Angallassisunut/ilitsersuisunut tunngaviusumik qajartornermut piginnaasassanik ilinniarneq
- Isumannaallisaanermut paasissutissat pingaaruteqartut
- Takornarialerinermi nioqqutissamik ineriartortitsineq
Pikkorissaanerup imai
- Qaannamik atortunillu ilisimasat (klassimi)
- Qajartornermi piginnaasat tunngaviusut, tassunga ilanngullugu aallarterlaanik ilitsersuineq (immami)
- Isumannaallisaaneq, tunngaviusumik imarsiorneq, sumiissusersiorneq, navianartut il.il. (klassimi)
- Annaassiniarneq, inummik qaannamillu kinngusimasumik isumaginninneq il.il. (immamit)
- Angallassinermut periaatsit, qajartorneq pingaartinnerullugu (klassimi immamilu)
Ilitsersuisoq Maligiaq Padilla
Kalaallit Nunaanni qaannamik unammersuaarnermi quleriarluni ajugaasimasoq. Irish Canoe Association Guidemit allagartalik.
Peqataasut amerlassusii
Amerlanerpaamik 12-it, peqataasussat naammatsippata nalunaarsinnaaneq matussaaq. Peqataanissamut nalunaarneq – siulliit nalunaartut.
Sumi: Nuuk
Piffissaq: Sulinerup nalinginnaasup avataatigut ulluni arfineq-marlunni. Taakku sapaatip-akunneranut marlunnut agguataagaapput, taamaalilluni ilaat ulluinnarni ilaallu weekendini ingerlanneqassapput. Septemberip qeqqani ingerlanneqassaaq. Peqataanissamut nalunaarnerup kingorna peqataasussat tiguneranut uppernarsaammik pilersaarummillu nassinneqassapput. Sila ajussappat ullopq allanngortinneqarsinnaavoq.
Pikkorissarnermut peqataaneq akeqanngilaq – taamaattorli angalasoqassappat angalaneq nammineq akilissaaq.
Suliffeqarfiit sorliit pikkorissarnermi peqataatitsisinnaappat?
- Suliffeqarfiit takornarialerinermik suliaqartartut.
- Suliffeqarfik CVR-ikkut nalunaarsorsimasuussapput aamma Kommuneqarfik Sermersuumi najugaqassallutik. P-mik immikkoortortat ilanngunneqassanngillat.
Qanoq qinnuteqassaanga?
Qinnuteqaat attaveqaataasumut nassiunneqassaaq: Saki Daorana; sakidaorana@gmail.com
Qinnuteqaammi ataatsimi pikkorissartussamut ataasiinnarmut qinnuteqartoqarsinnaavoq. Suliffeqarfik ataaseq arlalinnik qinnuteqarsinnaavoq.
Qinnuteqaatip imarissavai:
Suliffeqarfik pillugu paasissutissat; CVR-normu aamma najugaq
Pikkorissartussap aqqa, pikkorissartup emailia aamma atorfeqarnermut uppernarsaat.