Kommuneqarfik Sermersuumi aningaasaliissutit ”Peqatigiiffinnut isumaginninnermik suliaqartunut tapiissutit” Nuummi Spejderinut atorneqarnissaat aalajangiunneqarpoq – Nuummi Spejderit 20.050 koruuninik taperneqassallutik. Spejderit aallarteqqittut nuannaaqaat, aningaasallu aallaarsimaarnissamut atorneqassallutik.
“Peqataasut naleqquttumik akiliuteqartarlutik aallaarsimaarnissaat periarfissaalerpoq. Uagutsinnummi pigaaruteqarpoq spejderiunerup akisunnginnissaa. Pingaaruteqaqaaq.”, Malin Corlin – Nuummi Spejderini siulersuisunut ilaasortaq oqarpoq.
Spejderinut ilaasortaanermut akiliutip appasitsinnissaanut pissutaavoq ilaqutariinni ajornartorsiuteqartuni aningaasaateqartuaannanngitsuneersuni meeqqanut inuusuttunullu spejderiuneq pitsaasuummat .
”Nuummi Spejderit aasaanerani aallaarsimaarnissaat aningaasaliissutinut siunertamut tulluarluinnarpoq, suliaq isumaginninnermut sullissinermut siunertaqartussaammat. Inuusuttut pitsaasumik inuuneqarnissaannut kajumissutsimik suliaqartut sammisassaqartitsinerannut tapersersuisinnaanerput nuannaarutigaarput”, Ejner Grønvold, Suliffeqarnermut Isumaginninnermullu Ingerlatsivimmi pisortaq oqarpoq.
Kinguaattuulaarneq
Coronap kingunerisaanik killilersuinerit peqqutaallutik aallaarsimaarnissaq suli piviusunngortinneqarsinnaasimanngilaq. Nuummi Spejderit ilaasortaat 55-it unnuit marluk pinngortitami unnuinissamut peqataanissaminnut neqeroorfigineqassapput.
Massakkuugallartoq septembarimi aallaarsimaarnissap ingerlanneqarsinnaanissaa Malin Corlinip neriuutigaa.