Kommuneqarfik Sermersuumi atorfik qullasinnerpaaq inuttalerneqarnissaanut qinnuteqartitsisoqaqqissaaq. Qinnuteqartitsinermi siullermi qinnuteqartut arlaqaraluartut atorfinitsitsiniarnermik ataatsimiititaliap amerlanernik toqqagassaqarnissi kissaatigaa.
”Allaffissornermi siuttussamik toqqaanissaq pingaaruteqartupilussuuvoq, taamaammat tulluartumik toqqaanissatsinnut amerlanernik toqqagassaqarnissarput pingaaruteqarpoq,” borgmester Charlotte Ludvigsen taama oqarpoq.
Atorfimmik inuttassarsiuinermik allagaq malillugu kommunaldirektørissaq inussiarnerlunilu tatigeqatigiisitsisinnaassaaq, erseqqissumik toqqissisimanertumillu aaqqissuussaanerup iluani pilersitsissaaq. Pineqartoq aaqqissuussaaneq politikkikkut aqunneqartumi aqutsinermik misilittagaqarsinnaavoq aamma isummat assigiinngitsorpassuit akornanni aaqqiissutissamik pitsaanerpaamik nassaarsiorsinnaanermik aqutsisinnaassalluni.