Services

Kalaallit inuusuttut peqataasunut ullup qeqqasiutinik sassaallerput

Ippassaq ”Aalborgimi Kalaallit Nunaannut ulloqartitsineq” aallartippoq.

Aalborgimi Borgmester Thomas Kastrup-Larsen aamma borgmesteri Charlotte Ludvigsen peqataasunut tikilluaqqusipput.

Peqataasut Nordjyllandsværket-mi takornariartinneqareerneramik bussinik angalaartinneqarput illoqarfimmik ineriartortitsineq, piujuartitsineq aamma mingutsitsinnginnerulersitsineq qitiutillugu.

Ulloqeqqasiornermi kalaallit inuusuttut aningaasaqarniarnermut tunngasunik akuutitsinermik suliniummi Arctic Street Food-imi peqataasut sassaalliisuupput. Inuusuttut 18-30-nik ukioqarput Aalborgimi iloqarfinnilu eqqaaniittuni najugaqarlutik.

Suliffeqarnermut Isumaginninnermullu Ingerlatsivimmi pisortaq Ejner Grønvold:  ”Inuusuttut nersualaarujussuarpakka. Taakkua inuusuttut takullugit nuanneqaaq kingornatigullu nerisassiaannik mamaqisunik misiliilluta.

Arctic Street Food inuusuttunut ikiorneqarlutik danskit inuiaqatigiivini pitsaasumik akuliusimanerulernissaannut najoqqutaavoq pitsassuaq.  Aamma qularinngilara inuusuttut inooqataanermikkut piginnaasatik ineriartortissagaat suliniummilu peqataanermikkut ilinniagaqarnissaminnut sulilernissaminnullu pitsaasunik periarfissaqalissasut, Ejner Grønvold oqarpoq.