Imeqarfik Inussiviup eqqaanniittumi Qallussuarmilu nalunnguaarneq inerteqqutaavoq, taakkulu eqqaani grillerisoqaqqusaanani – Nuup imeq taakkunaninngaanniit pisarpaa.
Arlaleriaq paasissutissiissutigineqarnikuuvoq imeqarfinni nalunneq inerteqqutaasoq, aamma imeqarfiit eqqaanni inuit grillerisimatillutik eqqagassatit qimaannakujuttarpaat.
Tusarneqakkajuppoq inuit imeqarfinni nalukkiartartut, grilleriartortartut aammalu qimmitit nassarlugit kaajallaasartut, naak imeqarfiit taakua illoqarfiup imissaanik pilersitsisartut.
Taamaaliornerit inerteqqutaapput. Tatsimi nalunniarusukkussi allagartaqanngitsumi ujaasiinnassaasi, soorlu ’nalunneq inerteqqutaavoq’-mik imaluunniit ’imissaq/imeqarfik’-mik allagartaqanngitsuni. Aamma tatsimik imeqarfiunngittumik nalunngisarsi orniinarsinnaavarsi.