Innuttaasunut

Tasiilaq maligassiuisoq!

Paasissutissaq qangarnissaq

Akit, ammasarfiit, malittarisassallu il.il. uani saqqummiunneqartut qanganitsersimasinnaapput.

Peqqissaasut akiuussutissamik kapuuiartorlutik Tasiilamut nunaqarfiinullu tikikkaangata innuttaasut kapitikkiartorlutik ornigulluarsimappoq

Tasiilami nunaqarfiinilu innuttaasut inersimasut 87 procentii coronamut akiuussutissamik kapitissimasut kisitsisit takutippaat. Peqqinnissaqarfiup innuttaasut ilaat aappassaanik kapitinnissaat suli amigaatigilarpai, kisianni aappassaanik kapuuinissat kapuuinissamut pilersaarummi ilaareerput.

Ataatsimut isigalugu innuttaasut taama amerlatigisut kapitissimanerat kusanartuuvoq, tamanna bormesterip Charlotte Ludvigsenip nuannaarutigaa.

”Tasiilami nunaqarfiillu eqqaaniittuni innuttaasut sinnerlugit tulluusimaaqaanga. Inuiaqataalluarnermik takutitsipput, inuiaqatitillu paarilluarumallugit akisussaaffimmik takutitsillutik. Tamanna maligassiuineruvoq torrattoq,” borgmesteri Charlotte Ludvigsen taama oqarpoq.

Tasiilami nakorsaq Hans Chr. Florian Sørensen Tasiilaq sillimalluarnartumi inissisimalersoq nalilerpaa, aamma Corona tappavunga apuutissagaluarpat.