Innuttaasunut

Sermersuumi kommunalbestyrelse: Tunumi takornariaqarneq massakkoqqinnaaq ammaqqinneqarli

Paasissutissaq qangarnissaq

Akit, ammasarfiit, malittarisassallu il.il. uani saqqummiunneqartut qanganitsersimasinnaapput.

Kommuneqarfik Sermersuumi partiit tamarmik piumasaraat, Reykjavikip Kulusuullu akornanni aqqutip ullut 14-it qaangiutsinnagit ammaqqinneqarnissaa, Tunumi aasaanera sapanginneqaqqinnginniassammat. Aasaanera sivikitsuararsuuvoq, septembarimilu qaangiutissaaq.

Kalaallit Nunaanni Tunu Covid-19-imut akiuussutissamik kapitiffiunerpaavoq, taamaakkaluartorli kapitissimanerup iluaqutissartai innuttaasut suli misiginngilaat. Timmisartukkut attaveqaatit Tasiilamut nunarsuup sinneranut attaveqaataasut takornariaqarnermik ingerlatitsisuusut suli matoqqapput.

Avataaniit Tunumut angalanerup ammaqqinnissaanut piffissanngortoq Kommuneqarfik Sermersuumi kommunalbestyrelse isumaqarpoq.

Kalaallit Nunaat matugatsigu ataatsimoorpugut, inuiaqatigiinnilu sanngiitsut illersornerini aamma ataatsimoorluta. Ataatsimuussuseq taanna qularutissaanngitsumik inuunernik annaassisimavoq. Aningaasaqarnikkulli annaasaqaateqarfiunngitsoorsimanngilaq. Kalaallit Nunaat ammaqqittussanngorutsigu inuiaqatigiinnilu aningaasaqarneq aallarsaqqillugu coronamik ajornartoornerup aallartinnerani ataatsimuussuseq takutitarput naneqqissavarput.

Takornariat avataaniillu tikeraartut tikeqqittalernissaat piareersimaffigaarput. Timmisartuussinerit siornatigutulli ammaanneqaqqinnissaat tamatumunnga piumasaqaataassaaq. Soorunami allannguutit nutaat tunillaassuuttup siaruaatinnginnissaa anguniarlugu malittarisassiat malissavagut ulluinnaallu nalinginnanngorsarneranut ilutigitillugu taamaaliorsinnaavugut

Reykjavikip Kulusuullu akornanni aqqut ullut 14-it qaangiutsinnagit ammaqqinneqassasoq, Tunumi aasaanera sapanginneqaqqinnginniassammat Aasaanera sivikitsuararsuuvoq, septembarimilu qaangiutissaaq.

Najukkami takornarialerisartut arlallit ajoraluartumik ingerlatsiinnarumallutik taarsigassarsisariaqarsimapput, aqqullu ammaqqinneqanngippat matuissortinneqariaannaapput.

Tasiilaq nunatsinni suliffissaaleqisoqarnersaareerpoq, kommunalbestyrelsillu tamatuma suli annertunerulernissaa kissaatiginngilaa.

Tunu Kalaallit Nunaata sinneranut ikiuunnissaminut piareersimaqqilerpoq.  Periarfissaq kisimi amigaataavoq. Tamanna Naalakkersuisunut qinnutigaarput. Takornariaqarneq massakkoqqinnaaq ammaqqinneqarli

Kommuneqarfik Sermersuumi Kommunalbestyrelsimit