Services

Eqqaaviit inissisimaffissaannut peqqussutit nutaat

Eqqumaffiginiarlugu eqqaavilerisut suliffimmik isumannaatsumik sulinissaat eqqakkat pillugit malittarisassami 2021-meersumi eqqaviit inissisimaffissaat allannguuteqarpoq.

Peqqussutit malittarisassat nutaat allannguuteqarfigissavaat eqqaaviit inissisimaffissai. Annermik najugaqarfiit majuartarfillit isaariaallu iserfigiuminaatsuniittut eqqaavilerisunit ajornakusoorsinnaasut eqqaaviit angussallugit.

Taamaammat maleruagassat nutaat najugaqarfiutilittut eqqumaffigissavatit. Peqqussutit pineqartut eqqaaviup inissiinissanut imaapput:

  • Eqqaaviup eqqaa aputaajarneqareersimassaaq ulloq eqqaaviup imaarneqarnissaani kingusinnerpaamik nal. 7.
  • Eqqaavimmiit eqqaavilerisut biilii eqqaaviup tungaanut ukioq naallugu aqqutissaat ingerlaffigiuminassaaq.
  • Eqqaavik ulikkaaqqavallaassanngilaq, matualu matusinnaassaaq.
  • Eqqaaviup inissisimaffia nunamiit qaffasinnerussaaq nunamut tunnganani – majuartarfimmiinnani.
  • Eqqaaviup inissisimafia annerpaamik 50 miiterinik ungasissuseqassaaq eqqaavilerisut biiliiniit, aasakkut ukiukkullu.

Eqqakkat pillugit sullissiviup nassuerutigissavaa allannguut annertugineqarsinnaasoq, ilaatigullu allanit malunnaatigineqassanngitsoq, immaluunniit allanit isumaqarpallaarnaviangitsoq.

”Eqqaaviup inissisimaffia allanngortinnissaanut, aasaanerani periarfissaqarputit nuunnissaanut, aput akornutaannginnerani” avatangiisinut immikkoortortaqarfimmi pisortaq Frank Rasmussen oqarpoq, nangillunilu. ”Najugaqarfeqarpoq eqqaaviit inissisimaffii majuartarfinniittut taavalu majuartarfiit sangoriaanni inissisimasut, tamakkua inissisimaffii allannguiffigineqartariaqassapput inissisimaffik apeqqutaalluni, tamannalu allannguuteqassaaq ulluinnarni sungiusimasatsinnik eqqagassanik igitsiartortarnitsinnik”. 

Eqqaaviit inissisimaffiinik peqqussutit sukaterneqarnerulerput eqqagassalerisut suliffimmi isumannaallisaanikkut pissutsit pitsanngortinniarlugit. Ullut tamaasa amerlasoorpassuarnik eqqaavinnik imaarsisarmata, taamaatuttaaq inigisat aqqulluttuniittut/tikikkuminaassinnaasuniittullu.

Nunamiiit qaffasinnerulaartoq imaappoq eqqaavik tummeqqat qaaniissanngimmat.

Ima iliorsinnaavutit:

–                     Eqqaavik 40 cm miss. portoqusersinnaavat

–                     Imaluunniit eqqaavik nivinngarlugu soorlu tummeqqap saneraanut   imaluunniit illup iigaanut 40 cm miss. portussusilimmut nivinngarlugu, aputaajaavallaarnissaq pinngitsoortinniarlugu.

Pingaarnerpaavoq eqqaavik inissisimassammat eqqaavilerisunut sulinermi isumannaatsumik suliniissaannut, taavalu eqqaaviup inissisimanerata qaffasissusaa ajornartoortitsissanngimmat imaarneqarnerani tummeqqakkut qummukartariaanani.

Aammattaaq inatsisit eqqakkanik pillugit aallertarnermi atuutsinneqassapput.

Peqqussut nutaaq atuutilissaaq ukioq nutaamiit, taamaammat kingusinnerpaamik 1.1.2022 eqqaaviit eqqortumik inissereersimassaaq. Kajumissaarusuppatsigit eqqaaviit aasaanerani iluamik inissisimanersoq misissoqqullugu.

Eqqakkanik sullissivimmiit innersuutigineqarpoq najugaqarfinnik piginnittut misissussagaat eqqaaviup inissisimaffia peqqussutit malillugit inissisimanersoq, aaqqitassaappata peqqussutit malillugit inissinneqarnissaa qulakkeerneqassaaq.

Najugaqarfiit peqqussutit malillugit iluuseqarsimanngitsut naammattoortarumaarpaat eqqaavimminnik aallertoqarsimanngitsoq, tamaattoqartillugu kommunimit naalakkiummik peqquneqassapput eqqaaviup peqqussutit malillugit inissinneqarnissaanik.

Erseqqissaatigalugu eqqaaviit qanoq inissisimassanersut takussutissiami uani takuneqarsinnaavoq: Eqqaaviup inissisimaffissaa maleruagassat nutaat malillugit nalorniguit eqqakkat pillugit sullissivik saaffigisinnaavat oqa. 36 74 11 imalt. Affald@sermersooq.gl