Kulturi Oplevelser

Kittat – Ammasarfiit pulaartunullu misigisassaqartitsineq pitsaanerusoq

Mersortarfik Kittat ammasarfissai juulip aallaqqaataani 2021-mi allanngussapput.  Takornariat pitsaanerusumik misigisaqartinnissaat kalaallisuullu Kittat aqqutigalugu tuniniarneqartartut attartorneqartartullu ujartorneqartut neqeroorutiginiarlugit.

©Hans-Peter N. Bay – Kommuneqarfik Sermersooq

Kittat kalaallisuuliornermut tunngasutigut katersuuffiuvoq. Nunarsuarmi kisiartaalluni qangaaniilli periutsit malillugit  kalaallisuuliorfiuvoq. Tamatuma Kittat takornarissanut nunatsinnut uteqqingajalersunut immikkuullarissuttut pulaaruminartunngortippaa.

Kittat pulaartunut migisisassaqartitsineq nukittorsassavaa. Ataasinngornermi tallimanngornermilu suliat pillugit paasititsiniaasussanik pulaartunik angalaarussisoqartassaaq. Pisiniarfik ulluni taakkunani kiisalu pingasunngornermi ualikkut ammasassaaq.

Kittat takornarianoortuinnaanngilaq. Inuppassuit kalaallisuunik Kittat pisiffigisarpaat attartorfigisarlugulu. Imaluunniit kalaallisuunik iluarsaassisoqartarpoq. Piumaffigineqartartorujussuuvoq, pitsaasunillu ammerilluni sulianik utaqqisoqartuaannarluni. Kittat piumaffigineqartarneq akuersaarumavaa amerlanerusunillu kalaallisuuliorusulluni. Taamaattumik ullut tamaasa ullaatungaani kiisalu marlunngorneq sisamanngornerlu ualikkut suliaqarneq  annertusineqassaaq. 

Suliagut ukkassinissamik piffissamillu pisariaqartitsiffiuvoq. Marlunngornermi sisamanngornermilu amminik nioqqutissiat sullitanit pulaartunillu akornusersorneqarpallaarata mersortarpagut.  Akerlianilli ammanitta nalaani pulaarnermi misigisassat pitsaanerulertissavagut

Sofie Amondsen, Suleqatigiinnik aqutsisoq Kittat

Aalajangersimasumik ualikkut takornariartartut angusani eqqumaffigineqarput, akerlianilli ulluni marlunni ulloq tamaat suliaqarneq ukkatarineqassasoq, pisiniarfik sivikinnerusumik ammasalissammat. Kittat unnukkut ammerinermik atuartitsinermik suli periarfissaqartitsissaaq.

Kittat pillugu paasissutissat piviusut

Kittat Qeqertarsuatsiaani Kapisilinnilu marlunnik mikisunik immikkoortortaqarpoq satellitsillu marluk atorlugit mersortartut qulingiluat amminik tunisassiortarlutik.

Kittat pillugu nutaarsiassat Facebookimi malinnaaffigisinnaavatit.

Ammasarfiit nutaat (1/7/2021)

  • Pisiniarfik ataasinngorneq pingasunngorneq aamma tallimanngorneq nal. 12.30 – 15.30 ammasarpoq.
  • Ataasinngorneq aamma tallimanngorneq 12.30-mit 15.30-mut mersortarfik alakkarneqarsinnaavoq. Mersortarfimmi kalaallisuuit nammineq mersortarnissaannut ilitsersorneqarsinnaavutit isumaqatigiissut malillugu.
  • Kittat oqarasuaataa 36 63 99 ataasinngorneq, pingasunngorneq aamma tallimanngorneq nal. 10.30 – 15.30 ammasarpoq.
  • Kittat unnukkut ammerinermik pikkorissartitsinermi periarfissaqartitsivoq ataasinngorneq nal. 18-21. Illorput-mi amminik mersornermi pikkorissartitsineq unnukkut ataasinngorneq pingasunngornerlu nal. 18-21 ingerlanneqartarput.
  • Kalaallisuunik attartugassanik inniminniineq kiisalu misiliinissaq ataasinngorneq, pingasunngorneq aamma tallimanngorneq nal. 12.30 – 15.30 ingerlanneqartarpoq. Qularnaveeqqut 500 koruuniuvoq.
  • Ataasinngorneq, pingasunngorneq tallimanngornerlu ullup qeqqata siorna kalaallisuunik utertitsisoqartarpoq.
  • Kittat una aqqutigalugu kittat@sermersooq.gl. aamma attaveqarfigisinnaavat.