Tapiissuteqartarfik Sermeq erinarsoqatigiit Nordisk Koncertkor qinnuteqaataa akueraa. Taamaalillutik pilersaarutitik piviusunngortissinnaalerpaat, soorlu Kapisilinnut nalliuttorsiornerminni tusarnaartitsiartorniartut.
Tapiissuteqartarfik Sermeq tapiisutaa Nordisk Koncertkor, ukiuni 15-ini erinarsoqatigiissimanerminni malinnartitsiniarlutik pilersaarutaat piviusunngorsinnaanngorput. Pilersaarutit ilaagaat ukiuni arlalinni kissaatigisarsimasaat, tassa Kapisilinni tusarnaartitsineq.
Nalliuttorsiorfissaq ukioq 2021, coronap pissutigalugu killilersuineranik ulikkaarsimavoq, tamanna pissutaalluni pilersaarusiornissaq eqaatsuunissaa pingaaruteqarsimavoq.
”Killilersuinerit pissutaallutik tusarnaartitsinissamut pilersaarutit tulluarsartariaqarsimavagut, angissusaatigut, imarisaatigut ilusaatigullu. Nipilersortartut nunatta avataaniit upernaap ingerlanerani tikisinniagaagaluagut aatsaat ukiami ukiuulerneranilu tusarnaartitsinialerutta, coronap pissutigalugu killilersuineri sakkukilleriarpata tikikkumaarput,” taama Zenica Gosvig Larsen, Nordisk Koncertkor siulersuisuani siulittaasoq oqarpoq.
Erinarsoqatigiit nalliuttorsiornerminni tusarnaartitsinerat akeqanngitsumik ingerlanneqarumaarpoq. Kapisilinni tusarnaartitsineq nunaqarfiup oqaluffiani juunip ulluisa 13-ianni nalunaaqutaq 15:00 piumaarpoq.
Tapiissuteqartarfik Sermermiit tapiissutit tusarnaartitsinerup saniatigut erinarsoqatigiit ilaasortaasa pisassaqartinnissaannut atorumaarput.
Erinarsoqatigiit Nordisk Koncertkor nalliuttorsiornerminnik tusarnaartitsinissaat kulturitigut pilersitsinissamut tapiisarfianiit, Tapiisuteqartarfik Sermermit tapeeqataaffigineqarpoq. Tapiisuteqartarfik Sermimut qinnuteqarfissap tulleq novemberip aallaqqaataanut 2021 killeqarpoq.