Uani nutaarsiassat eqikkarlugit takuneqarsinnaapput suliassat suliarineqartartut Kommuneqarfik Sermersooq tekniskemi immikkoortortaqarfik avatangiisit- eqqakkat pillugit sullissivimmi.
Eqqakkanik tigooraavik
Tigooraavimmut eqqakkanik tunniussisoqaraangat, eqqakkat immikkoortiterneqartassapput malittarisassat aallaavigalugit. Tamanna suliffeqarfinnut atuuppoq, ukiorpassuarnilu atuunnikuussimalluni.
Eqqakkanik ikuallassinnaasunik aggiussisoqaraangat, ingerlaannaq ikuallaavimmut kuineqartarput. Pingaaruteqarpoq eqqakkat ikuallassinnaasuussasut, savimerngit, betonit, elektronikillu pinnagit. Taamatut oqaatigaa tigooraavimmit aqutsisoq Finn Karlsen, nangillunilu: ”naammattoorneqarnikuuvoq iginneqartut immikkoortinneqarnikuunngitsut. Malunnarporli suliffeqarfiit pikkoriffigigaat immikkoortiterisarnissaq, pisarporli immikkoortiterneqanngitsunik igitsisarneq.
Immikkoortiterneqanngitsunik aggiussisoqaraangat, tigooraavimmiut akuerineq ajorpaat. Immikkoortiterneqanngitsunilli igitsiartortoqarsimappat, suliffeqarfik igitsisimasoq akiligassinneqartarpoq. Taamaammat avatangiisinut akilersinaavoq immikkoortiterisarneq.
Eqqakkanut malittarisassat 2021-meersut uani nanineqarsinnaapput: https://sermersooq.gl/kl/malittarisassat-inatsisit-pisussaaffiillu/
Malugiuk
Piffissanngungajalerpoq Nuummi igitanik angisuunik katersinissaq. Piffissami 17. – 28. maj ingerlanneqassaaq.
Nuuk Ugeavis, Eqqakkat pillugit sullissiviup Facebookimi quppernera, Sermersooq Kommunep nittartagaani paasisaqarnerugit.
Eqqakkat, nukissiuutillu kisitsisinngortinneri
- Ikuallaavimmi ikuallanneqarput eqqakkat 1217,9 tonsit, missingersorlugit ulloq unnuarlu 40,6 tonsit.
- Kissarneq pilersinneqartoq ikuallaavimmit 2.775,9 MWh-iuvoq. Ima annertutigisoq 2054,5 MWh Nukissiorfiit fjernvarmi Nuussuarmi kissarneq tassanngaanit atorneqarpoq. Tassanilu atuineq imaappoq 74,2 %. Piffimmi tassani naluttarfik Malik 249,38 MWh-imik kissarnermik atuivoq.
- Piffimmi ima amerlatigisut 1458 -sit suliffeqarfiit sullinneqarput. Imaappoq ullormut 49-t sullinneqartarsimallutik.