Aasarluinnalerpugut, taamaammat 25 maj 11 juni 2021 tikillugu periarfissaqarputit savimerngit savimminikullu akeqanngilluinnartumik iginnissaannut.
Pingaartumik suliffeqarfiit sanaartorfiillu piffimmi uani annertuumik savimminikunik saviminernillu igitassanik peqarput, illoqarfimmut takussunarsaasunik. Tamannalu iliuuseqarfigerusupparput, taamaammat neqeroorutigaarput pineqartut akeqanngitsumik iginneqarsinnaasut.
Igitassat iginneqassapput Sermersooq eqqakkat pillugit sullissivianut
Sermersooq eqqakkat pillugit sullissiviup erseqqissaatigerusuppaa, nuummi kisiartaalluni akuersissummik peqarmat, eqqakkat savimernit saviminikullu avatangiisinut innarlitsaaliuinermi suliarinissaanut. Eqqagassat pineqartut Nuummi igissagaanni, inerteqqutaalluinnarpoq suliffeqarfinnut allanut tunniunnissaat, taamaallaat eqqakkat pillugit sullissivimmut iginneqassapput.
Igitsineq pissaaq eqqakkat pillugit tigooqqaavimmi, eqqakkat pillugit sullissiviup eqqaaniittumut. Annertuumik igitsilinnginnermi eqqakkat pillugit tigooqqaavimmi siunnersortinnissaq peqqussutigaarput.
Malittarisassat malinneqassapput
Igitsinermi malittarisassat naliginnaasut malinneqassapput
- Saviminikut immikkoortitserneqassapput aammalu eqqakkat angisuut savimerngit assigisaallu.
- Savimerngit 500 cm x 200 cm x 50 cm –miit annertunerusut igilernerani – eqqakkat pillugit sullissivimmut attaviginnissaatit siunnersortillutillu.
- Ruujorit savimerngit kiffiarsimasut 300 cm-i tikillugu inginneqarsinnaapput.
- Biilit maskiinallu avatangiisimut mingutsitsisinnaajunnaarlugit suliarineqareersimassapput
- Vaajari immunneqarsimassaaq imaluunnit annerpaamik 2 meter takissuseqassaaq.
- Puiaasat naqitsinillit qatserutillu tunniunneqarsinnaapput uku qulakkeersimagukkit:
- Naqitsineqassanngillaq
- Silaannaarutaa qaavaniittoq peerneqarsimassaaq.
(ulorianarsinnaammat, iliniarsimasut suliarissavaat.)
- Immikkut tunniunneqassaaq.
Tunniussinermi eqqakkat pillugit suliffeqarfiup nammineq kortia atorneqassaaq. Eqqakkat annertussusaat malillugu fakturaliorneqassapput piffimmi pineqartumi akeqanngitsumik.
Avatangiisinut nakkutillissooq alakkarterissaaq
Piffik pineqartoq qaangiussimalerpat, suliffeqarfiit naatsersuutigissavaat kommunemi avatagiisit pillugit nakkutilliisoq suliffeqarfinnut alakkarterissammat, misissuiartorluni suli savimminikunik igitassaqarnersoq. Taamaammat akilerluarsinnaanerussaaq neqeroorut akeqanngitsumik eqqaaneq atorluassallugu.