Politikki Services

Najukkami ataatsimiititaliamut qinigassanngortissinnaanngorputit

Najukkami tamat oqartussaatitaanerat nukittorsaruk, sumiiffimmilu inuiaqatigiit sunniuteqarfigalugit! Qinigassanngortinniarluni nalunaarsorsimaffimmut allatsinnisssamut ulloq killerititaq tassaavoq maajip ulluisa 18-iat, maajillu 26-iani qinersisoqassalluni.

Najukkami Ataatsimiititaliamut ilaaninni sumiiffimmi najukkanni tamat oqartussaatitaanerannik nukittorsaaneq peqataaffigissavat, innuttaasullu, politikerit oqartussallu ammasumik oqaloqatigiinnissaannut ikorfartuissallutit.

Najukkami Ataatsimiititaliaq aqqutigalugu suliniutinik sammisassaqartitsinernillu najukkami ineriartorneq, ataatsimuussuseq inuunerullu pitsaassusaanik nukittorsaataasussanik aallarniisarnissannut periarfissaqassaatit. Assersuutigalugu suliniutit najukkap tunngaviinut avatangiisianullu pitsaanerulersitsisut, aamma suliniutaasinnaapput peqqinnermut, angallannermut, timersornermut, atuarfeqarnermut, meeqqanut, inuusuttunut, utoqqarnut, kulturimut sunngiffeqarnermullu tunngasunut.

Najukkami Ataatsimiititaliamiinnikkut illoqarfinnerpiaq suliniutinik ukkataqarsinnaalissaatit, inuillu attaveqatigisinnaasarpassuatit, tamarmik innuttaasut atugaannik allannguerusussusillit, naapittalissallugit.

Najukkami Ataatsimiititaliaq qaammammut ataasiarluni ataatsimiittassaaq.

Innuttaasut isumaat paasiniarlugu ikiorusukkutsigut, suliniutinik aallartitsillutillu najukkami suliniutit ataatsimuussuserlu qaffassarusullugit – najukkami ataatsimiititaliamut ilaasortanngornissannut sassarit!

Piffissap 12. – 18. maaji iluani kommunimi Kommuneqarfik Sermersuulluunniit nittartagaatigut qinigassanngortilluni nalunaartoqarsinnaavoq: https://sermersooq.gl/kl/politikki/#najukkami-ataatsimiititaliat

Qinersineq 26. maaji 2021 innuttaasunik ataatsimiititsinermi pissaaq.