Services

Kajumissutsimik suliaqartunut tapiissutinik qinnuteqarit

Inunnut sammitinneqartunut siunertalimmik kajumissutsimik suliaqartunut tapiissutinik qinnuteqarnissamut killigititaq qanillivoq. Sammisassanut tapiiffigineqarsinnaanerlusi qanorlu qinnuteqarsinnaanerlusi uani takusiuk

Kommuneqarfik Sermersuup nammineq piumassuseq tunngavigalugu suliniuteqarneq pingaartippaa. Taamaattumik kommune nammineq piumassuseq tunngavigalugu inunnik sullissinermut ukiut tamaasa aningaasaliissutinik immikkoortitsisarpoq. Suliniutinut tapersersuineq, kajumissutsimik suliaqartut meeqqanut inersimasunullu isumaginninnikkut ilungersunartorsiortut inuunerannik pitsaasumut allannguinissaq aningaasanut immikkoortinneqartunut siunertarineqarpoq.

Kommunimit neriuutigineqarpoq aningaasanik immikkoortinneqartunik agguaanermi inuttut ajornartorsiutinut suliniutinik tapersersuisoqassasoq, kajumissutsimillu suliaqarnermut kajumissuseqalertitsisinnaalluni.

Kina qinnuteqarsinnaava?

Katuffiit, peqatigiiffiit inuillu ataasiakkaat sullitaminnut sammisassaqartitserusuttut.

Qanoq qinnuteqassaanga?

Linki tooruk qinnuteqarnissamut immersuiffissaq immersorlugu.

Paasissutissat allat qinnuteqarfissarlu uani takukkit

Qinnuteqarnissamut piffissaliussaq

1. juuni 2021