Kommuneqarfik Sermersuumi kommunalbestyrelsimut ilaasortat 19-it nutaat ataasinngorneq maajip ulluisa pingajuanni Nuummi Kommuneqarfiup Allaffiani ataatsimeeqqaassapput.
Ataatsimiinnermi kommunalbestyrelse borgmesterimik nutaamik, aamma borgmesterip tulliinik kiisalu ataatsimiititani ataavartuni ilaasortanik toqqaassaaq.
Ataatsimiititani ataavartuni kikkut siulittaasunngussanersut ataatsimiititat ataasiakkaat inissititerlutik ataatsimiinnerini aalajangiunneqassaaq.
Kommunalbestyrelsip inissititerluni ataatsimiinnera nal. 14.00-imiit aallartissaaq. Kommuneqarfik Sermersuup Facebookkikkut qupperneratigut malinnaasinnaavutit imaluunniit oqaatsit tusaarusutatit malillugit ataatsimiinneq maana malinnaavigisinnaavat https://sermersooq.kommune-tv.dk/