Services

Nunarsuup illuatungaaniit eqqumiitsuliornermik suleqateqarneq

Statens Kunstfond Nuummi Eqqumiitsulianik Saqqummersitsivia, Museum of Modern and Contemporary Artsilu,Seoul Korea Kujallermiittoq ukiut marluk eqqumiitsuliortunik tikisitseqatigiittarnissamik isumaqatigiissummik atsioqatigai

Qallunaat Nunaanni Kunstfondens Projektstøtteudvalg for Billedkunst nunarput Qallunaat Nunaallu eqqumiitsuliornerup tungaatigut suleqatigiissinnaanermik tunngaviusumik pilersitserusupput. Tamannalu eqqumiitsuliortunik tikisitseqatigiissinnaaneq pilersinneqassaaq.

Tikisitseqatigiinermi isumaqatigiissut qallunaat eqqumiitsuliortuisa Qallunaat Nunaata avataaneersunik attaveqaqatigisinnaasaminnik suleqatigisinnaasaminnik avitseqatigisinnaasaminillu nassaarnissaat siunertaraa. Periarfissarlu siunissamut kalaallit eqqumiitsuliortuinut aamma sunniuteqarumaarpoq.

”Eqqumiitsuliortorpassuit ukiut tamaasa Kalaallit Nunaanukartarput, amerlasuullu kalaallit eqqumiitsuliortuinut eqqumiitsulioqatigiiffinnullu tutsaqartarput, ikiuiniarnerlu pikkunalaarsinnaasarsimavoq. Isumaqatigiissut isumaqagiissutit allaniit allaanerunissaa ataavartumillu ingerlanneqarnissaa, kalaallillu eqqumiitsuliortui ilitsersuisartutut inissinneqarnissai akissarsiutiginissaalu uagutsinnut pingaartissimavarput. Qallunaat kalaalillu eqqumiitsuliortuisa suleqatigiillualernissaat attaveqaqatigiillualernissaalu neriuutigaarput,” Taama Nuummi Eqqumiitsulianik Saqqummersitsiviata ningiuat, Nivi Christensen oqarpoq.

Qallunaat eqqumiitsuliortuisa eqqumiitsulianillu nakktulliisuilu apriilip tungaanut 2022-mut nunatsinnukarnissaminnut qinnuteqarsinnaaput, aapaagulu 2023-mut qinnuteqarsinnaasalluni.