Puttasoq niusarfik betonnimik qallernikoq piareerpoq, pisoqqamiit inissaqarnerullunilu isumannarnerusoq
Kapisilinni puttasoq niusarfik nutaaq sissiukkami atuutilerpoq. Siuliminiit inissaqartitsineruvoq. Betonimik qalilik 20 meterimik takissuseqarpoq, pisoqarlu qisummik sanaajusoq meterinik qulaaluanik takissuseqarnikuulluni.
”Puttasoq Niusarfik nutaaq iluanaaruterujussuuvoq, pisoqaq isumannarunnaarlunilu pisoqalinikuummat. Kapisilinnilu angallatiuteqartunut pituttorfissat amerlisippaat, niusarfittaarlu anginerunera innuttaasunut tikeraartunullu isumannaanerusumik misigititsisussaalluni,” taama kommunimi sulianik ingerlatsisoq Salik Hard oqarpoq.
Puttasoq niusarfik nutaaq angallatinut mikinernut angallatinullu attartugassaasunut tulluarsagaavoq, Nuummilu angallat attartugassani annersaat 15 meteriusoq ajornartoqartinnaguk tulariaanaalluni.