Services

Tasiilami meeqqanik ilaqutariinnillu sullissineq pitsanngorsarneqarpoq

Meeqqanut Ilaqutariinnullu Sullissivimmi sulisut 13-iusut meeqqat ilaqutariillu ajornartorsiorteqartunik sullissinissamut pikkorissarnertik ukiup ataatsip iluani ingerlassimavaat.

Pikkorissarneq Ilaqutariinnut Sullissiviup Qallunaat nunaaniillu Systemisk Institut for Familieterapi suleqatigalugiillutik ukiup ataatsip iluani ingerlanneqarsimavoq. Modulit pingasut ullut tallimani ingerlanneqartartut, sapaatip akunneranilu ilinniartitaanikkut misileraanikkullu pisimavoq.

”Tulluusimaaqaanga siullerpaamik Tasiilami taamatut pikkorissaasinnaasimagatta, qularinngilaralu meeqqat ilaqutariillu ajornartorsiortut sulisutsinniit sullinneqarluarumaartut. Siumoortumik pitsaasumillu meeqqat ilaqutariillu sullittassagivut kommunalbestyrelsimi politikkeraarput”, Kommunalbestyrelsemi ilaasortaq, Meeqqanut Ilaqutariinnullu Ataatsimiititaliamilu siulittaasoq Uju Petersen taama oqarpoq.

Tasiilami sulisunik pikkorissaaneq suleqatigiit arlallit assigiimmik piginnaaneqarlersimarneranik, kiisalu ilaqutariit assigiimmik sullissinnaaneranik kinguneqassaaq. Tamannalu siunissami pitsaasumik sullissinissat qulakkeerneqarnissaanik isumaqarpoq.