Innuttaasunut

Qimarnguik imminut nassaareqqittoq

Paasissutissaq qangarnissaq

Akit, ammasarfiit, malittarisassallu il.il. uani saqqummiunneqartut qanganitsersimasinnaapput.

Februaarip ulluisa 17-ianni nalunaaqutaq ataatsimut Nuummi qimarnguik nutartereernerata kingorna ammaanersiorneqarpoq.

Qimarnguik meeqqanik arnanillu artorsartunik orninneqarnissaminut piareerpoq, inisimasullu siulliit isertereernikuullutik.

Ineeqqat aaqqissorneqarsimaneri eqqarsaatigilluarneqarsimapput.

”Eqqarsaatigilluarnikuuarput, assersuutigalugu nunap qalipaataanik assingusut atorpagut, ineeqallu angerlarsimafferpalaartillugit. Taamaalisimaneranut pissutaavoq ineqartugut angerlarsimaffimminniik nuukkunik allanngornera annertuallaannginniassammat.” Katsorsaasut ningiuat, Grethe Siegstad taama oqarpoq.

Meeqqanut, Ilaqutariinnullu Ingerlatsivik sivisuumik meeqqat arnallu inissaqartissinnaanissaanut kissaateqarsimapput. Kissaatigineqartorlu piviusunngorpoq, sivisuumillu angusassamik toraagalimmik katsorsaasoqarsinnaalerluni.

Qimarnguik ullumimiik meeqqat arnallu qaammatit pingasunik qimarnguigineqarsinnaavoq, qaammatillu arfinilinnik sivisutigisumik katsorsarfigineqarsinnaalluni. Taakkua saniatigut ukiup affaani malitseqartitsineq neqeroorutaalerluni. Qimarnguivik ilaqutariinnik sisamanik inisimasoqarsinnaavoq.

Ammaanersiornermi coronap ajornartoortitsinera peqqutaalluni ammaanersioqataasut ikittunnguuput.