Services

Atornikuerniarfik nutaaq pisattanik atornikunik tuniniaasassaaq

Atoqqiisarneq atorneqarluarpoq, ullumilu Nuuk atornikuerniarfittaarpoq, taannalu Atoqqimmik atserneqarpoq, taannalu ikuallaaviup eqqaani inissisimalluni. Illoqarfiup qeqqaniitumut, Røde Korsimut unammillertuunngilaq, Atoqqimmi allanik tuniniaasassagami. Tuniniakkat tassaaput pequtit atornikut.

Borgmesteri Charlotte Ludvigsen malunnartumik Nuup atornikuerniarfittaavani, Atoqqiup ammaanersioqataanermini nuannaarpoq.

Oqalugiarnermini nunatta eqqiluitsuutsinnissaa eqqaavaa, atoqqiinermimmi eqqaaneq pinngitsoortitsisarmat nutaanillu pisattanik pisaartarneq pilersarluni.

Oqalugiarnerminittaaq eqqaavaa, atoqqiisarnerup nuannequtaasa ilai. Imaakkamimi nammineq pigisatut nuannarinikuusaq ingerlateqqikkaanni, piginnittussap tullia aamma nuannarinninnissaa nalunnginnera qamuuna pissarsinartoqartoq.

Borgmesterip oqalugiarnerata saniatigut avatangiisinut pisortaq, Frank Rasmussen,  avatangiisinullu siunnersorti Vera Marie Egede oqalugiarput.

Atoqqiup ammasarfigigallagassai

Marlunngorneq: 14.00 – 17.30 

Arfininngorneq: 11.00 – 15.00