Services

Atornikueerniarfik ATOQQIK ammaanersiorneqassaaq

Februaarip ulluisa aqqarnanni nal. 13:00 atornikueerniarfik Atoqqik Sermersuumi eqqakkanik tigooraviup eqqaani Kommuneqarfik Sermersuumiit ammaanersiorneqassaaq

Taamaattumik ammaasoqarneratigut Kommuneqarfik Sermersooq atoqqiinerunissamik anguniagaqarneranut alloriaqqippoq. Pequtit, sanaartornermi atortut atortullu allat Atoqqimi tuniniarneqartassapput.

”Pequtit atortullu allat ullumikkut eqqaannarneqartartut atoqqitassanngorlugit tuniniartalernissaat sivisuumik kissaatiginikuuarput” Avatangiisinut pisortaq Frank Rasmussen taama oqaluttuarpoq.

Atoqqimik ammaaneq Kommuneqarfik Sermersuumi atoqqiinerunissamik kissaateqarnera kiisalu Namminersorlutik Oqartussat Eqqagassalerinermut pilersaarutaannut naleqquppoq, tassanimi toqqaannartumik atoqqiisarneq, eqqakkanik annikillisaaneq aamma iluarsartuusseqqilluni atoqqiisarnerit annertunerulernissaat angunianeqarmata.

”Sapinngisamik innuttaasut amerlanerpaat atoqqitassanik pissarsisinnaanissaat atornikueerniarfimmik ammaasoqarneranik periarfissiivugut, taamaasillunilu igiinnarneqartussaagaluit atoqqinneqarsinnaanngorlugit. Innuttaasunut, avatangiisimut inuiaqatigiinnullu tamanna iluaqutaassaaq. Taamaammat Atoqqik ammarneqarnerani tulluusimaqaagut,” Frank Rasmussen oqarpoq.

Atoqqiup ammaanersiorneqarnera sisamanngornermi februaarip ulluisa aqqarnanni nal. 13:00 Pukuffimmi ikuallaaviup eqqaani ingerlanneqassaaq. Tassani borgmesteri Charlotte Ludvigsen pisortatigoortumik ammaassaaq.

Paasissutissat amerlanerusut uani takukkit https://www.facebook.com/atoqqik

imaluunniit Avatangiisinut pisortaq Frank Rasmussen attaveqarfigiuk: frra@sermersooq.gl , oqarasuaat 56 46 69

Paasissutissat:

Ammaanersiorneq illup iluani silamilu pissaaq. COVID-19 peqqutigalugu killilersuinerit atuutsinniarlugit inini inuit amerlanermik 20-t isersimaqqusaapput. Sukannernerusumik killilersuisinnaanissarput paasissutissiissutigerusupparput, taamaasilluni najuuttut suli ikinnerullutillugit ininiittussanngorlugit.

Tusagassiorfiit peqataanissaannut aggersarneqarput.