Services

Apeqqutit COVID-19-mut akiuussutissanik kapuuinermut tunngasut kommuunimiit akineqarsinnaanngillat

Ulluni makkunani innuttaasut arlaqartut COVID-19-mut akiuussutissanik kapuuinermut tunngasunik apeqqutissaqarlutik Kommuneqarfik Sermersuumut saaffiginneqattaarput. Saaffiginnittulli akinissaqanngillat, akiuussutissanik kapuuinermi kommuuni attuumassuteqanngimmat.

Paasissutissat Nunatta Nakorsaaneqarfiaaniit Corona pillugu Sulisoqatigiinniillu nalunaarutigineqartartut saniatigut allanik Kommuneqarfik Sermersooq paasissutissaateqanngilaq.

Corona pillugu Sulisoqatigiit Peqqinnissaqarfillu akiuussutissanik kapuuinermut tunngatillugu saaffiginninnaveersaarnissaq piumasaqaatigaattaaq.

Innuttaasut sulisullu akiuussutissamik kapitittussanngorunik attavigineqarumaarput.

COVID-19-mut akiuussutissamik kapitinnissaq neqeroorutaavoq. Innuttaasut sulisullu akiuussutissamik kapitinnissamut akuersinissaat Kommuneqarfik Sermersuup innersuussutigaa