Services

Borgmesterip ukiortaami oqalugiaataa: Ukioq manna internetikkuinnaq

Ukiortaami KNR ikikkukku Kommuneqarfik Sermersuumi borgmesterip Charlotte Ludvigsenip oqalugiaataa politikikkut ukiortaami oqalugiaatinut ilaassanngilaq. Taartigaluguli Facebookikkut, Youtubekkut aamma Kommuneqarfik Sermersuup nittartagaani takusinnaassavat. 

KNR-ip ukioq manna ukiortaamut oqalugiaasiornissamut assigiinngitsunik piumasaqaateqarsimanera tassunga pissutaavoq. Ukiortaami oqalugiaat kommuneqarfiup allaffiani immiunneqassaaq tassungalu atatillugu sumiiffinni allani immiussanik allanik atuisoqaqqusaanngilaq.

”Soorunami KNR-ip aallakaatitassaminnut qanoq piumasaqaateqassanerlutik nammineq aalajangersartussaavaat, taamaattorli isiginnaartartunut amerlanerusunut ersarinnerusumik takuneqarsinnaasumik oqalugiarusunneruvunga, taamaattumillu KNR-imit neqeroorut ukioq manna itigartitsissutiginiarlugu aalajangerpunga”, Charlotte Ludvigsen oqarpoq.

Oqalugiaat januaarip aallaqqaataani nal. 12.00-imit Kommuneqarfik Sermersuup nittartagaani Facebookianilu takusinnaavat.