Innuttaasunut

Paamiuni amerlanerusunik timimik aalatitsinerulersitserusunneq

Paasissutissaq qangarnissaq

Akit, ammasarfiit, malittarisassallu il.il. uani saqqummiunneqartut qanganitsersimasinnaapput.

Aningaasaqarnermut Inuussutissarsiornermullu Ataatsimiititaq Paamiuni ulloq decembarip aallaqqaataani nal. 19.00-21.00 innuttaasunik ataatsimiititsiniarpoq. 

Pitsaaliuineq, nammineq kajumissutsimik suliniartarneq aamma timimik aalatitsineruneq innuttaasunik ataatsimiititsinermi qulequtarineqassallutik.
Innuttaasunik ataatsimiititsinermi ilaatigut oqallisigineqassapput meeqqanut, inersimasunut utoqqarnullu ulluinnarni timimik aalatitsinerunissamut neqeroorutit suut amigaatigineqarnersut. Paamiuni pitsaaliuinermi suliniutinut nammineq kajumissutsimik suliniaqataasinnaasunik qanoq akuutitsinerulersitsisoqarsinnaanersoq aamma oqallisigineqassaaq.

Aningaasaqarnermut Inuussutissarsiornermullu Ataatsimiititameersut inersimasut utoqqaallu ulluinnarni timimik aalatitsinerunissaat pineqaraangat Paamiuni innuttaasut takorluugaat suunersut paaserusuppaat. Innuttasullu kissaataat piviusunngortinneqassappata kommunip tungaaniit qanoq iliortoqassanersoq oqallisigerusuppaat. Meeqqat aamma immikkut isiginiarneqarput, meeqqanut inuusuttunullu neqeroorutit suliniutillu suut amigaataappat, taakkulu qanoq iliornikkut anguniarneqarsinnaanersut oqallisigineqassaaq.

Kaffeqarlunilu, teeqarlunilu kaageqassaaq.