Borgmesteri innuttaasut ilai 25-t nersualaarsinnaagamigit nuannaarpoq, ullumi OCN-imi piginnaanngorsarnermi ilinniartitaanermik ingerlatsereerlutik uppernarsaatissaannik tunineqarmata.
Katuami tallimanngornermi ualikkut borgmesteri tulluusimaarluni qungujulaqaluni OCN-imi uppernarsaatissat tunniunneqarmata oqaaseqarpoq.
Tunniussineq pisinnaanngorpoq peqataasut tungaanniit sivisuumik suliaqarsimaneq pissutigalugu, ullumikkullu inerneri takusinnaalerpavut OCN-imi piginnaanngorsarsimanermik uppernarsaatissarsimmata.
Ukioq manna tallimassaanik piginnaangorsarsimanermut uppernarsaatinik tunniussisoqarpoq, uppernarsaatillu peqataasut suliffissarsiornerminni aamma siunissami ilinniarfinni tiguneqarnissaminnut atorsinnaavaat. Taamatullu iliornissaminnut borgmesterimit Charlotte Ludvigsenimit kaammattorneqaput.
Ilissi uagut pisariaqartippassi
Oqaaseqarnermini ilinniartitsinerit assigiinngitsut ingerlanneqarneranni innuttaasut suliniuteqarsimanerat borgmesterimit nersualaarneqarpoq, minnerunngitsumillu inuiaqatigiit sinnerlugit tamanna aamma nuannaarutigivaa. ”Atorfissaqartinneqarpusi”, ilaatigut taamataut borgmesteri oqarpoq, tassani sulisussaaleqineq, kommunip ilaani takussaasoq, eqqarsaatigalugu.
Innuttaasut 25-t piginnaanngorsarsimanerminnik uppernarsaammik tunineqarnissaat pissusissamisoorpoq, ualeq mannali tamarmik peqataasinnaasimanngillat. Kommuneqarfik Sermersuumiit tamassi assorsuaq pilluaqquneqarpusi!
Open College Network periusiuvoq pisortatigoortumik ileqquusumillu ilinniartitaanerup avataatigut piginnaasanik ilikkakkanillu naleqarluartitsisoq. OCN pillugu ilinniarnermut pilersaarut Englandimi 1970-ikkut naajartorneranni pingasunik immikkoortoqarpoq; ilisimasaqarneq, ilisimasat aamma sapinnginneq.