Innuttaasunut

Inissaqarneq sulisussaqarniarnermut iluaqutaavoq

Paasissutissaq qangarnissaq

Akit, ammasarfiit, malittarisassallu il.il. uani saqqummiunneqartut qanganitsersimasinnaapput.

Kate Davidsen sundhedsassistentitut ilinniagalik, ukioq 2016-imi angerlarsimaffimmi sullisisartutut atorfinilluni Nuummut nuuppoq. Inissaqartinneqarnera nuunneranut aalajangiisuunerpaavoq.

Kate Davidsen ukiut 40-t peqqinnissaqarfimmi sulereerluni angerlarsimaffinni sullissisartutut misiliiniarluni aalajangersimavoq. Taamaasillunilu Nuummi angerlarsimaffinni sullissisartumik sulisussarsiortoqarmat qinnuteqarsimalluni. Kate Davidsen maanna Kommuneqarfik Sermersuup inissiat attartugaanni najugaqarpoq.

”Ukioq 2016-imi Nuummi angerlarsimaffinni sullissisartutut atorfinillunga nuuppunga. Inissaqartinneqarsimanngitsuuguma nuussimassanngikkaluarpunga,” Kate Davidsen oqarpoq.

Inissaqarneq sulinermut iluaqutaavoq

Kate Davidsen angerlarsimaffinni sullissisartutut sulilerneranut inissaqartinneqarnera aalajangiisuunerpaasimasoq oqaluttuarpoq. Kate nammineerluni illusinissaa periarfissaasimanngilaq, kisimiittuugami akissaqartinnagu oqaluttuarpoq. Taamaammat ISERIT-miit inissaqartinneqarnini iluaraa.

“Inissaqartinneqarnera assut iluaqaaq. Toqqissillunga eqqissisimaarsinnaavunga, tamannalu sulininnut ulluinnarnilu inuuninnut iluaqutaaqaaql,” Kate Davidsen oqaluttuarpoq.

ISERIT sullissilluarpoq

Kate Davidsen 2016-imi nuukkami qaammatit marluk utaqqiisaagallartumik inissiami najugaqareerluni inissaminut nuuppoq. Najugaqarfiali toqqissisimananngimmat allamut nuunniarluni ISERIT-imut qinnuteqarsimavoq.

”Inimik allamut nuunniarlunga aalajangerama marlussoriarlunga ISERIT-mut attaveqarpunga. Ukiut sisamat qaangiummata inissiaq nutaarsuarmut innersuunneqarpunga. ISERIT sullissinera iluarisimaarnaqaaq, misigisimavunga pimoorullugu sullinneqarlunga,” Kate Davidsen unnersiorluni oqarpoq.