Innuttaasunut

Ilaqutariinnut sanngiitsumik inissisimasunut neqeroorutinik paasiuminarsaaneq

Paasissutissaq qangarnissaq

Akit, ammasarfiit, malittarisassallu il.il. uani saqqummiunneqartut qanganitsersimasinnaapput.

Ilaqutariinnut sanngiitsumik inissisimasunut neqeroorutit suuneri erseqqissarniarlugit Kommunalbestyrelsip marlunngornermi u. 1. septembari suliat allaaserineqarnerat akuersissutigaa.

Qaqugukkut ikiorserneqarsinnaaneq, sutigut ikiorneqarnissaq kommunimit pisinnaanerlugu ilaqutariittut sanngiitsumik inissisimagaanni paasiniarnissaa ajornakusoorsinnaavoq.

Illuatungeriinnut tamanut paasinarsarniarlugu kommunalbestyrelsimi politikerit suliassat arlariit paasiuminarsarlugit allaaserineqarneri akuersissutigaat. Maannamuugallartoq suliassat suuneri, Nuummut Paamiunullu tunngasut pineqarput, Tasiilamulli tunngatillugu suliarineqaleruttorput.

Innuttaasunut kommunimullu ikiorneqarnissamik neqeroorutit suusinnaanerat paasiuminarsarlugit, kommunip ikiuiniarluni sulissutigisinnaasai allaaserineqarput.

Suliassat allaaserineqarnerata ilanngunneqartup imarai neqeroorutit arlalissuit, inuusuttunik siunnersuisartunit qimarnguinnut, ilaqutariinnik isumasioqatigiissitsineq, tamarmillu uani atuarneqarsinnaapput.