Innuttaasunut

Digitaliseeriineq piniarnermut allagartanik tunniussinernik amerlisitsivoq

Paasissutissaq qangarnissaq

Akit, ammasarfiit, malittarisassallu il.il. uani saqqummiunneqartut qanganitsersimasinnaapput.

Piniarnermut allagartat qarasaasiakkut tunniunneqartalernerat iluatsilluavereerpoq. Ukiut tamaasa tuttunniarnissamut allagartanik tunniussisoqartarpoq oktobarip/decembarillu naanissaasa tungaannut, maannakkulli siornamut sanilliullugit tunniunneqartut amerlanerujussuanngoreerput.

Kisitsisit immini takutereerpaat, tuttunniarnissamut allagartanik tunniuissinissamut digitaliseeriisoqarmat. Oktobarip decembarilluunniit naanissaasa tungaannut piniarnermut allagartanik tunniussuisoqassaaq, sunngiffimmi imaluunniit inuussutissarsiutigalugu piniarnermut allagartat apeqqutaatillugit. Maannamulli siornamut naleqqiullugit amerlanerujussuarnik, nammineq immersukkanik suliaqartoqareerpoq.

Siorna inuit 1.100-t piniarnerup nalaani piniarnermut allagartanik tunineqarsimapput, maannali aggustip 26-at tikiinnartoq 1787-it piniarnermut allagartanik tunineqareersimapput.

Tamanut ajornannginnerulerpoq

Qarasaasiakkut qinnuteqaateqarnissaq ammaanneqareermat, ima ajornannginnerulersimatigaaq, allaat piniarnermut allagartat tunniunneqartut amerlassusaat amerleriaateqarujussuarsimallutik. Peqatigitillugu kommunimi Innuttaasunik Kiffartuussivimmi sulisut suliassanut allanut piffissaqarnerulersimapput.

Nalinginnaasumik piniarnerup aallartinnerani Innuttaasunik Kiffartuussivik ima suliassarpassuaqartartigaaq, allaat sapaatip akunnerini marlunni siullerni piniarnermut allagartat kisiisa suliarineqartarsimallutik. Suliassat amerleriarujussuarnerat malunnarluarsimavoq, qinnuteqartitsisarnerulli digitaalinngortinneqarnerata kingornagut, ikilerialaarsimapput, taamaasillutillu sulisut piniarnermut allagartat saniatigut suliassanut allanut piffissaqarnerulersimapput – allaat ammaqqaarnerata nalaani ulapaarfiusaqisup nalaani.

Suli ajornannginnerulissaaq

Ukioq manna misilittakkat pitsaasut soorunami iluatigineqassapput, aammalu aappaagussamut qinnuteqartitsisarnerup ajornannginnerulerseqqinneqarnissaa sulissutigineqarpoq.

Tuttunniarnissamut allagartamik suli qinnuteqaateqarsimanngikkuit, ugguuna qinnuteqaateqarsinnaavutit