Innuttaasunut

Borgmesteri Qeqertarsuatsiaani innuttaasunik ataatsimiititsilersoq

Paasissutissaq qangarnissaq

Akit, ammasarfiit, malittarisassallu il.il. uani saqqummiunneqartut qanganitsersimasinnaapput.

Pingasunngorneq aggustip ulluisa tallimaanni borgmesteri Charlotte Ludvigsen Qeqertarsuatsiaaliassaaq,ullorlu taanna nal. 19.30 katersortarfimmut innuttaasunik ataatsimiigiaqqusilluni.

Borgmesteri Charlotte Ludvigsen Qeqertarsuatsiaanut tikikkuni innuttaasut naapinnissaat pingaartinnerpaavaa.

Innuttaasut kikkulluunniit tamarmik inuusuttut utoqqaallu – innuttaasunik ataatsimiititsinermi peqataanissamut tikilluaqquneqarput, katersortarfimmi nal. 19.30 ingerlanneqartussamut.

Innuttaasunik ataatsimiititsinermi sammineqartussaq pingaarneq tassaassaaq ’Qeqertarsuatsiaat ullumikkut siunissamilu’

“Qeqertarsuatsiaani pissutsinik paasisaqarnerorusuppunga, najukkamilu innuttaasut taakkuupput unammillernartunik taakkunanngalu aaqqiissutaasinnaasunik  ilisimasaqarnerpaat. Taamaammat Qeqertarsuatsiaani innuttaasunik ataatsimiititsinermi ‘Qeqertarsuatsiaat ullumikkut siunissamilu’ pillugu eqqartuilernermi peqataasoqarluarnissaa neriuutigaara.” Bormesteri oqarpoq.

Ataatsimiinnermi kaffeqarluni teeqassaaq.