Services

10 klassimi atuartut naggataarnissaat pisarnernit allaanerussapput

Ulluni tullerni 10.klassimi atuartut atuarnerminni naammassinnilerpata pisarnermit allaanerusumik ingerlanneqassaaq, soorlu aamma atuarfiusoq ukioq manna allaanerusumik ingerlasimasoq.

Atuarfiusoq immikkut ittoq aamma immikkut ittumik Kommuneqarfik Sermersuumi 10.klassit naggataartinneqassapput.

Ukaliusap Atuarfiani pisortat atuartut klassiinut pulaartaarnerani atuartut pissutsinut aamersuunik katersuussinnaannginermit peqqutilinnut paasinnittut malunnarsimavoq.

18.juni atuartut ullaakkorsiortinneqassapput ilinniartitsisutillu peqatigalugit isersimaartinneqassallutik.

19.juni atuartut atuarsimanermut allagartartaartinneranni klassikkaartumik ingerlanneqassaaq. Kiisalu allagartartaartitsinermi atuartoq ataaseq qanigisanik marlunnik ilagineqarsinnaavoq.

Nuussuup Atuarfiani atuartut naggammik atuartinneqassapput 18.juni upalungaarsimanissamut maleruagassanut naapertuutumik aaqqissuusssisoqassalluni.

19.juni atuartut atuarsimanermut allagartartaartinneranni holdinut pingasunut agguarneqassapput immikkullu aallagartartaartinneqarlutik. Kiisalu allagartartaartitsinermi atuartoq ataaseq qanigisanik pingasunik ilagineqarsinnaavoq.

Kangillionnguit Ataurfianni 18.juni naggamik atuartinneqassapput upalungaarsimanissamut maleruagassanut naapertuutumik aaqqissuusssisoqassalluni.

19.juni atuarsimanermut uppernarsaatinik agguaassisoqassaaq klassikaartumik atuarfiup eqaarsaartarfiani aaqqissuussinikkut.

Atuarfik Samuel Kleinschmidt 18.juni naggamik atuartinneqassapput aaqqissuussinertalimmik.

19.juni atuarsimanermut uppersanaartinik agguaassisoqassaaq klassikaartunik aaqqissuussinikkut. Atuartoq ataaseq qanigisanik pingasunik peqataatitsisinnaavoq.

Atuarfik Hans Lynge

18.juni naggamik atuarnermi naggataartunik ullaakkorsiortitsisoqassooq. Kingorna atuartunik annnernik arsaattarfimmi sammisaqartitsisoqassalluni.

19.juni atuartut atuarsimanermut allagartartaartitsineq ingerlanneqassaaq atuarfiup timersortarfiani inuit isersimasinnaasunut killingititat malillugit.

Tasiilami Alivarpimmi aturtut naggamik atuartinneqarput 12.juni.

Atuartut atuarsimanermut allagartartaartitsineq ingerlanneqassaaq ulluni 16.juni aamma 17.juni atuarfiup inuit isersimasinnaasunut killingititat malillugit.

Paamiuni Atuarfik Tuiisami 16.juni atuartut naggataartinneqassapput ullaap tungaani ullaakkorsioqatigiinnermik kiisalu atuartut atuareersimanermut allagartartaartinneqassallutik ualikkut.