Services

Innuttaasunik Kiffartuussivimmi utaqqinissat pinngitsoortiguk – piffissamik inniminneeqqaarit

Innuttaasunik Kiffartuussivimmut piffissamik inniminniiguit, Kommuneqarfik Sermersuumi utaqqinissat pinngitsoortissavat. Qanoq iliussanerlutit uani atuaruk.

Kommuneqarfik Sermersuup innuttaasut Innuttaasunik Kiffartuussivimmut saaffiginnittussat utaqqinissaat pinngitsoortikkusuppaa. Taamaattumik sulisut saaffiginninnissannut piffissaqarluarniassammata inniminniinissaq periarfissanngortinneqarpoq. Taamaalillutillu Sullissivimmi utaqqinissat pinngitsoortissavat.

Nem-ID-qaruit Innuttaasunut Kiffartuussivimmukarnak nammineq suna tamaat isumagisinnaavat. Uunga nittartakkamut sullissivik.gl isiinnassaatit ilitsersuullu malillugu.

Nem-ID-qanngikkuit attaveqarfissanut ataaniittunut saaffiginnissinnaavutit.

Piffissamik inniminniinissannut uunga mailimut nassiussisinnaavutit innuttaasunut@sermersooq.gl imaluunniit uunga Innuttaasunut Kiffartuussivianut toqqaannartumik sianerlutit 36 79 00.

Innuttaasunut Kiffartuussivimmi ilaatigut saaffiginnissutit tulliuttut isumagineqartarput:

– Inuit allattorsimaffiat
– Nem-ID
– Meeqqanut akilersuutit
– Meeqqat tapii

Saaffiginnissutit allat

Kommuneqarfik Sermersuumi taakkununnga pineqartunut tunnganngitsunik saaffiginnissaguit kommuneqarfik@sermersooq.gl-imut allassaatit imaluunniit oqarasuaammut uunga sianerlutit 36 70 00