Services

Utoqqarnik paaqqinniffiit aamma utoqqaat ataatsimut najugaqatigiiffii pulaarneqaqqissinnaalerput – isumatusaartumik

Maannakkut utoqqartarisat najugaqarfiinut pulaarneqarsinnaanngoqqipput, taamaakkaluartoq tunillaassornerup siammarternaveersaarnissaanut malittarisassat eqqaamaneqarnissaat pingaaruteqarpoq, fagchefi taama oqarpoq.

Utoqqaat coronavirusimut aarlerinarnerpaat ilagimmatigit utoqqartarisat utoqqarnik paaqqinniffinniittut piffissami kingullermi sivitsortumi pulaarnissaat periarfissaasimanngilaq.

Ilaat allatut eqqarsarlutik facebookkikkut profililiorsimapput ataatsimoorussamik atugassaminnik, taannalu atorlugu paaqqinniffimmi ineqartut ilaquttatik Facetimekkut isigiutigalugit oqaloqatigisarsinnaallugit.

Maanna ornigulluni ilaquttat pulaarnissaannut periarfissaaleqqippoq, kisianni sungiusimasamit allaanerussaaq.

”Eqqiluisaarnissamut inuillu qanillinaveersaarnissaannut innersuussutit tamarmik suli atuutsinneqarput, aamma minnerpaamilluunniit nuannermik malugisaqaraanni imaluunniit napparsimagaanni pulaarnissaq pissanngilaq”, Arnannguaq Heilmann Christensen, Utoqqarnut immikkoortortami fagchefiusoq oqarpoq.

Aamma taanna ilisimatitsivortaaq utoqqarnik paaqqinniffiit utoqqaallu ataatsimut najugaqatigiiffiit isaariaanni maleruagassat allagarsiussuunneqarsimasut, aamma assannut bakteeriaajaateqartoq.