Services

Nuummi assaalluni ledningilersuinerup kingunerisaanik aqquserngit angallavigineqarsinnaaneri ataasiinnarmik sammiveqassapput

Nuummi illoqarfiup qeqqani aasap ingerlanerani assaalluni ledningilersuinermik suliaqartoqassaaq. Suliaq iluatsissinnaajumallugu Nuummilu aqqusinikkut angallattoqaannarsinnaaqqullugu aqquserngit piffissap ilaatigut ataasiinnarmik sammisumik angallaffiusinnaassapput. Tassani pineqarlutik Svend Junge Aqqutaa, Dronning Ingridsvej aamma Jagtvej. Suliap ingerlanneqarnera naapertorlugu aqqusinermi ataasiinnarmik sammisumik angallanneq pisassaaq. Taamatut suliaqarneq qaammatini sisamanik sivisussuseqassaaq – tassalu 1. maajimiit 1. septembarip tungaanut.

Svend Junge Aqqutaani piffissami ataasiinnarmik sammiveqarluni angallanneq:

  1. maaji – 1. juuni: Svend Jungep Aqqutaa Dronning Ingridsvejimeerluni Nuukullaap tungaanut sammisuussaaq
  2. juuni – 15. juuli: Svend Jungep Aqqutaa Dronning Ingridsvejimeerluni Sipisaq Kujalliup tungaanut sammisuussaaq. Malugiuk, tassanngaaniik Niels Hammekenip Aqqutaata aamma Nuukullaap tungaanut ingerlasoqarsinnaassanngimmat
  3. juuli – 1. aggusti: Svend Jungep Aqqutaa Dronning Ingridsvejimeerluni Sipisaq Kujalliup tungaanut sammisuussaaq
  4. aggusti – 1. septembari: Nuukullak Svend Jungep Aqqutaaneerlugu sammiveqassaaq