Innuttaasunut

Nuummi sanaartorfissat atorneqanngitsut saqqummiunneqarnerat

Paasissutissaq qangarnissaq

Akit, ammasarfiit, malittarisassallu il.il. uani saqqummiunneqartut qanganitsersimasinnaapput.

Kommuneqarfik Sermersooq maanna Nuummi sanaartorfissani atorneqanngitsuni sanaartornissamik soqutigisaqartuni qinnuteqaatit tigusivoq. Matumani pineqarput piffiit pingasut illoqarfimmi assigiinngitsorujussuarmik inissisimasut, assigiinngitsunik siunertallit, tamatumani ilaallutik ilaqutariinnut illuliorfissat kiisalu pisiniarfiliorfissat, inuussutissarsiorfiliorfissat, neriniartarfiliorfissat kiisalu najugassanik illuliorfissat.

  • Ilaqutariinnut illuliorfissat tallimat Quassunnguamiipput.
  • Qinngutsinni pisiniarfiliorfissat, inuussutissarsiorfiliorfissat, neriniartarfiliorfissat kiisalu najugassanik illuliorfissat.
  • Saqqarlernut ilaqutariinnut illuliorfissaq ataaseq.

Sumi inissisimanerat eqqortoq uani takuuk aamma internetikkut nittartakkatsinni paasissutissanik sukumiinerusunik atuarit.