Innuttaasunut

Kommuneqarfik Sermersooq COVID-19-eqartoqarnerani eqqumiitsuliortunik tapersersuivoq

Paasissutissaq qangarnissaq

Akit, ammasarfiit, malittarisassallu il.il. uani saqqummiunneqartut qanganitsersimasinnaapput.

COVID-19-ip eqqumiitsuliortuunerlu ataatsikkoortikkuminaatsinneqarsinnaapput. Tassani patsisaalluni nualluutip corona-p eqqumiitsuliornermik inuuniuteqartunut amerlasuunut eqquinerlunnera. Kommuneqarfik Sermersuup tungaaniit suliniutit: Piffissami imaannanngitsumi Sermersooq LIVE eqqumiitsuliortunik tapersersuivoq.

Piffissami nualluutip corona-p siaruaakkiartuinnarnerani eqqumiitsuliornermik inuuniuteqartunut inuuniutigissallugu ajornakusoorsigaluttuinnarpoq. Pingaartumik inuit ataatsimoortut qulinit amerlanerusannginnissaannik aalajangiisoqareerneratigut eqqumiitsuliortut piginnaasaminnik takutitsisinnaanissaat suli ajornakusoornerulerpoq.

Kommuneqarfik Sermersuup kulturimut immikkoortortaqarfiani aalajangerneqarpoq, kulturikkut pikialaartitsinissanut inuit takkussinnaanngippata pikialaartitsinissamut allatigut periuseqartoqartariaqartoq – tassalu inuit angerlarsimaffimminniit malinnaasinnaalersillugit. Sermersooq LIVE aqqutigalugu eqqumiitsuliornermi sulianik inuit angerlarsimaffimminniit malinnaasinnaanissaannik Kommuneqarfik Sermersuumit periarfissiissutaavoq.

– Sermersooq LIVE kommunip tungaaniit suliniutaavoq. Facebook aqqutigalugu toqqaannartumik aallakaatitsisoqarneratigut aliikkutassaqartitserusuppugut kulturikkullu pikialaartitserusulluta. Taamaaliornikkut aamma eqqumiitsuliortunik tapersersuinerullunilu Nunatsinni innuttaasunik aliikkutassaqartitsineruvoq, eqqumiitsuliortullu suleriaasiannik paasisaqarnerulersitsisinnaalluni tamannalu qaqutigoortuuvoq, pilersaarusiornermik aqutsisoq Jonas Nilsson nassuiaavoq.

Facebookikkut toqqaannartumik aallakaatitsineq Sermersooq LIVE-kkut tallimanngornerit tamaasa pisassaaq. Toqqaannartumik aallakaatitsinermi nipilersornermik tusaarnaartitsinerit aamma atuakkiortut atuffassinerat malinnaaffigineqarsinnaasassapput.

– Piffissami aggersumi amerlasoorpassuulluta angerlasimaannangajattussaavugut, taamaattumik periarfissaasinnaasut atorlugit eqqumiitsuliornermi kulturikkullu pikialaartitsinermut tunngasunik innuttaasut takusassikkusuppavut. Tamannalu isumassarsinarsinaallunilu, aliikkutaasinnaallunilu ilikkagaqarnarsinnaavoq, Jonas Nilsson oqarpoq.

Siullermeerluni Facebookkikkut toqqaannartumik aallakaatitsineq tallimanngorpat nal. 14:30 pissaaq, Miké Thomsenilu nammineq erinarsuusiaminik atuilluni aliikkusersuisuussaaq.

Facebook-imi qupperneq malinnaaffigiuk, ugguuna.