Innuttaasunut

Isak Nielsen Kleistip Sermersooq qimalerpaa

Paasissutissaq qangarnissaq

Akit, ammasarfiit, malittarisassallu il.il. uani saqqummiunneqartut qanganitsersimasinnaapput.

Kommuneqarfik Sermersuumi Suliffeqarnermut Isumaginninnermullu Ingerlatsivimmi pisortaq, Isak Nielsen Kleist, atorfini qimanniarlugu aalajangersimavoq. Inuussutissarsiornermut, Nukissiuteqarnermut, Ilisimatusarnermut Suliffeqarnermullu Naalakkersuisoqarfimmi pisortatut atorfeqalertussaagami.

”Iisaap ukiuni kingullerni marlunni kommunimi sulinermini tunniussaanut assut qujarusuppunga, suliffittaaminilu iluatsitsilluarnissaanik iluanaarnissaanillu kissaallugu”, kommunaldirektøri Lars Møller-Sørensen oqarpoq.

Isak Nielsen Kleist apriilip ulluisa 30-anni naggammik sulissaaq. Stabchefiugallartoq Jill S. Hellesen atorfimmut inissikkallarneqassaaq.