Innuttaasunut

Immikkoortortaqarfimmi aqutsisoq aputaajaasalernissaminut piareersimasoq

Paasissutissaq qangarnissaq

Akit, ammasarfiit, malittarisassallu il.il. uani saqqummiunneqartut qanganitsersimasinnaapput.

Coronaqarnerani tamatta suliatta saniatigut suliaqarnissarput pisariaqartinneqarpoq. Qaangiuttoorluni sulinerusinnaavoq, nutaanik suliassinneqarnerusinnaavoq allalli immaqa sulinerminnik aallussiinnarniarlutik pisunut naleqqussartariaqarsinnaapput. Inuiaqatigiinneq ataatsimoorneruvoq, tsamaattumik ataatsimoorluta sassartariaqarlutalu ikiuuttariaqarpugut, aamma naak nalinginnaasumik suliarisartakkanniit allaanerujussuarmik suliaqarnissat pineqaraluarpat. Kommuneqarfik Sermersuumi pingaartillugit sammineqassapput, pissutsini ilungersunartuni maannakkut atuuttuni inuiaqatigiinnut pingaaruteqarluinnartumik sapiitsuliornermik iliuuseqartut. Taamaattut amerlanerusut pisariaqartinneqarput. Pisariaqartinneqarputit.

Inuiaqatigiinni coronamik nalaataqarnerup nalaani inunnik sullisserusuttunik pisariaqartitsisoqarpoq. Taamaanngippat suut tamarmik ajalusuussapput, taamak Vilhelm Lynge Hard, inuit ikiuussinnaaffimminni ikiuuteqqullugit kaammattuuteqarluni isumaqarpoq.

Vilhelm Lynge Hard ulluinnarni Nunaminertanut Sanaartornermullu Oqartussaqarfimmi immikkoortortaqarfimmi aqutsisutut akunnerpassuarni allaffimmi issiasarpoq. Coronamik nalaataqarnerup nalaani, inuppassuarnut ilimaginngisamik pisoaqarfiuisumut  taamaaginnartariaqannglaq.

Taavalu suliffimmiit angerlarluni suliartoqquteriataarnermi, Vilhelm isumaqarpoq innuttaaqataasutut pisussaaffik naapertorlugu pisariaqartitsiffiusumi ikiuuttarnissaq pisariaqarpoq.

”Sulinngitsoorniarnissaq iluaqutaanngilaq, taamaassappat inuiaqatigiit unittuussapput imaluunniit ajornerusumik pisoqarluni, ajalusoortoqariaannaaavoq”, Vilhelm oqarpoq, nammineq angallassissutinik angisuunik ingerlatsinissamut allagartaqarnini atorluarlugu gummigedinik aputaajaajartornissaminut piareersimagami.

Qatserisartoq, politeeq sullissisorlu

Vilhelm qatserisartutut, politiitut sulianillu inatsisinut tunngassutilinnik suliarinnittartutut ilinniagaqarpoq. Taamaasilluni ulluinnarni immikkoortortaqarfimmi aqutsisutut suliassaminut tunngasuunngikkaluartunik arlalinnik piginnaasaqarpoq. Kisianni tassaapput inunnik allanik ikiuinissaminut atorluarsinnaasai.

”Tassami kommunimi sulisorpassuaqarpoq allamik ilinniagaqarsimasunik, ulluinnarni atorneq ajukkaminnik, kisiannili maannakkut immaqa atorluarneqarsinnaasunik. Maannakkut immikkuullarissumi inissisimavugut, inuillu kaammattorumavakka ikiuussinnaaffimminni ikiuuteqqullugit”, Vilhelm sallersaanissaminik piareersimalluni oqarpoq.

”Sunaluunniit ersissutiginngilara, nukikka atorlugit imaluunniit allaffimmi sulillunga – soqutaanngilaq. Inuiaqatigiinnguuvugut amerlanngitsut, coronamillu nalaataqarnermi aniguilluarnissatsinnut kommune pingaarutilimmik suliassaqarpoq, Vilhelm Lynge Hard oqarpoq.