Innuttaasunut

Coronaqarnerani sapiitsuliortutut isigisat nersualaaruk!

Paasissutissaq qangarnissaq

Akit, ammasarfiit, malittarisassallu il.il. uani saqqummiunneqartut qanganitsersimasinnaapput.

Coronaqarnerani tamatta suliatta saniatigut suliaqarnissarput pisariaqartinneqarpoq. Qaangiuttoorluni sulinerusinnaavoq, nutaanik suliassinneqarnerusinnaavoq allalli immaqa sulinerminnik aallussiinnarniarlutik pisunut naleqqussartariaqarsinnaapput. Inuiaqatigiinneq ataatsimoorneruvoq, tsamaattumik ataatsimoorluta sassartariaqarlutalu ikiuuttariaqarpugut, aamma naak nalinginnaasumik suliarisartakkanniit allaanerujussuarmik suliaqarnissat pineqaraluarpat. Kommuneqarfik Sermersuumi pingaartillugit sammineqassapput, pissutsini ilungersunartuni maannakkut atuuttuni inuiaqatigiinnut pingaaruteqarluinnartumik sapiitsuliornermik iliuuseqartut. Taamaattut amerlanerusut pisariaqartinneqarput. Pisariaqartinneqarputit.

Ululinanguaq Kleist, qujanaq!

Coronamik nalaataqarnitta nalaani Ululinannguaq sapiitsuliortuuvoq, tassa tiimialunnguit atorlugit ilimasaarneqarnerminit Meeqqat angerlarsimaffiannut Ivanermut suliartorami, tassanilu suleqatini marluk peqatigalugit ullut 14-it ulloq unnuarlu sulissalluni.

Tamatuma kingunerisaanik panimi Carlap marlunngormat qulingiluanik ukioqalernerani peqataanngitsoorpoq.

Kommuneqarfik Sermersuumit Ululinannguaq qutsavigerujussuarparput Carlalu pilluaqqorujussuarlugu. Inunnut allanut ikiuukkusussuseqarnermi sapiissuseqarneq imminullu pilliutigineq takutippaa. Qujanaq!

Nersualaagassamik nalunngisaqarpit? Massakkut taava coronaqarnerani sapiitsuliortutut isigisat nersualaarnissaanut periarfissaqarputit! Facebookitsinnut assimik oqaluttualiannguamillu nassiussiinnassaatit.

Oqaluttuat toqqarneqarsimasut kommuneqarfiup tamanut attaveqaataatigut saqqummiunneqassapput. Immikkut suliniuteqartunut tamanut qujanarujussuaq!