Tallimanngorpat atuarfiit matoreerpata matusisoqarnissaanik aalajangernerat Nunatsinni kommunit tallimaasut soorunami Naalakkersuisut aalajangernerat malissavaat.
Erseqqissumik oqaatigalugu ima isumaqarpoq, imaanngilaq atuartut ataasinngorpat marsip 23-anni nalinginnaasumik atuariartortarnermissut atuariartussasut. Taamaakkaluartoq nammineq atorfik pissutigalugu suliartortariaqarneq pisariaqassappat, meeraq atuariartortinneqartuaannarsinnaavoq. Aajuna atuarfiit upalungaarsimanermut sillimaniarneranni iliuusissiaq. Soorunami atuarfinni tamani katersuutsitsisarnerit pillugit pisariaqartunik iliuuseqartoqartassaaq.
Angajaoqqaat kikkut suliartortariaqarnersut nalilersorneqarnissaannut atatillugu, tamanna angajoqqaat namminneq sulisitsisutik suleqatigalugit nalilersussavaat. Tamanna ima isumaqarpoq, atuarfiit ammatinneqassapput, meeqqanut, angajoqqaavi inuiaqatigiinni atorfeqarnerat pissutigalugu matuneqanngitsut, allamillu paarsisussaqartitsinngutsunut.
Imaappoq, nuna tamakkerlugu ilinniartitsisut suli suliassarivaat atuarfinnut suliartussallutik. Taakkunanngaanniit alimasissumit atuartitsinissaminnut pisariaqartunik aaqqissuussissapput, aammalu meeqqat, angajoqqaavi sulisariaqarpata paarsisussaatitaassallutik.
Meeqqat ilikkagaqarnissaat, ilinniartitsisut sulinissaat imaluunniit inuiaqatigiit ataatsimut eqqarsaatigalugit tamanna peqqutigalugu unittoortoqannginnissaa Kommuninut pingaaruteqarpoq erseqqissassallugu. Tamatta ataasimoorluta nualluutip kingunerisaanik suliassanik nutaanik suleqatigiissuteqartariaqarpugut. Matumani immikkorluinnaq pisoqarnerani ilinniartitsisut akisussaasut angajoqqaallu suleqatigiinnissaat kommunit tatigivaat, taamaalilluta inuiaqatigiinni uninnata ingerlaannarniassagatta.