Innuttaasunut

Sermiligaami nunaqarfiup orpia kiisami ikinneqartoq

Paasissutissaq qangarnissaq

Akit, ammasarfiit, malittarisassallu il.il. uani saqqummiunneqartut qanganitsersimasinnaapput.

Sermiligaami silarlunnera peqqutaalluni pilersaarut malillugu orpik ikinneqanngitsoorpoq. Silali qatsuunnartoq nunaqarfimmi innuttaasut orpiup ikinnera nalliuttorsiutigaat.

Orpiliaqartinnani juullersinnaanngilaq orpillu ikinnersiorneqartariaqarpoq. Tassa taama ajornanngitsigisumik oqartoqarsinnaavoq. Sermiligaami orpiup ikinnissaa anorersuarnera peqqutaalluni kinguartinneqaraluartoq, ileqquliunneqarsimasoq malillugu ikinnersiorneqarpoq.

Pilersaarutaasumit nunaqarfimmi orpilissap ikinneqarnissaa ullormik ataatsimik kinguaattooraluartoq. Nunaqarfiup meerartai quliniit 0-ip tungaanut kisitsipput meeqqanilu nukarlersaasup Benjamine Nathanielsenip orpik ikippaa.

Orpiliaq ikinneqareermat nunaqarfimmi siulersuisuini siulittaasup tullia Peter Utuange oqalugiarpoq, kingornalu erinarsoqatigiit Qaamaneq meeqqallu erinarsorlutik.

Meeqqanulli qilanaarineqarnerpaaq Juullip Inua takkulluni juullisiorluaqqusivoq.