Kommuneqarfik Sermersuup Ittoqqortoormiini betonnginik aqquserniornera ingerlateqqinneqassaaq, ukiup tullianilu missingersuutinut aqquserngit suli 1 mio. koruuninik aningaasaliiffigineqaqqipput.
Ittoqqortoormiini aqqusinernik betonngilersuineq sivisuvoq suliarlu siumut ingerlavoq. Illoqarfimmi betonnginik aqquserniornissaq pilersaarutaavoq, taamaasilluni illoqarfik kaajallallugu betonnginik aqqusineqalerniassammat.
Qallersugassat affaat naammassineqareerput naammassinissaanullu ukiut pingasut missaanik sivisussuseqarnissaa naatsorsuutigineqarpoq. Aqqusineq massakkut qallersorneqartoq pingajussaa qallerneqarpoq taannalu aqquserngit qallerneqartussat affaraa. Affaa suli qallersorneqanngitsoq pingasoriarlugu suliarineqarnissaa aamma pilersaarutaavoq.
Aqqusineq naammassineqartoq kussineqarpoq nutaanik 440 meterinik isorartutigisumik 5 meterinillu silitsigisumik betonngimik qallerneqarluni.