1.Januar 2017 aallarnerlugu inatsimut ilanngunngikuuvoq uumasuutivit chippimik nalunaarsorneqarnissaa.
Peqqutit marluk tunngavigalugit uumasuutivit sooq chippimik nalunaassava.
- Qimminik qitsunnillu chippimik nalunaarsukkat nuna tamakkerlugu takuneqarsinnaapput, taamaasilluni qulakkeerneqassalluni, illit uumasuutigigit.
- Qiimmiitit qitsuutilluunniit ullut arlaanni qimaasimassagaluarpat aallarussaalluniluunniit politiit, uumaasut nakorsaata imaluunniit uumasunik nakkutilliisut ajornanngitsumik attavigisinnaassavaatit.
Nittartakkatsinni www.sermersooq.gl qinnuteqaatimik aallersinnaavutit, imaluunniit innuttaasunut kiffartuusivimmut saaffiginnissinnaavutit.
Sooq uumasuutivit perlerornermut, qimmit nappaataanut pervovirusimullu kapitissava?
Perlerornermut qimminut qitsunnullu kapoorineq.
Perlerorneq nappaataavoq tunillaassuuttartoq, qaratsamik sianiutinillu saassussinermigut qaratsap aseruuttoorneranik toqumik kinguneqartartoq.
Perlerorneq qiseq aqqutigalugu tunillaasarpoq. Virusi annertuunngorluni uumasuni tunillatsissimasuni qisermi nassaassaasarpoq, kiisinerillu qisiillu kilernernut kimillannernullu attuunnerisigut tunillaassuuttarluni.
Perlerorneq Nunatsinni teriannissat akornanni siammarsimajuarpoq. Teriannissat inunnut perlerornermik tunillaasinnaapput, qimminut qitsunnullu ass. kiisinikkut. Qimmit qitsuillu inunnik tunillaasinnaapput. Uumasuutivit kapitinneratigut, perlerorneq pinngitsoortissinnaavat. Taamaattumik pisariaqarpoq qimmit qitsuillu perlerornermut akiuussutissamik kapitinnissaat, nappaatit uumasunut inunnullu tunillaasinnaanerat pinngitsoortinniarlugu.
Qimmit nappaataat.
Qimmit nappaataat siammasissuuvoq tuniluutttuullunilu, qimmini, teriannissani, amaqquni assigisaanilu takuneqarsinnaalluni soorlu minkit frittellu nunarsuarmi tamani. Nappaat takkuttarpoq pingaartumik qimmini piaqqani, kisianni aamma inersimasut utoqqaanerusullu tunillatsissinnaallutik.
Tuniluunneq pisarpoq qimmeq peqqissoq qimmimik napparsimasumik atassuteqarnermigut, imaluunniit qimmip qiseq pippagu, qinersinit seerisoq isiniit qingamiillu, anamiit imaluunniit quumit. Qimmeq peqqissoq assersuutigalugu tutisinnaavoq qimmip napparsimasup quuanut, kingusinnerusukkullu uumasup isikkani aluttorsinnaallugu. Qimmiutillip skuumi atungaatigut tuniluuttoq angerlaassinnaavaa.
Qimminut nappaammut nakorsaateqanngilaq, malunnaataali nakorsarneqarsinnaavoq amerlanertigulli qimmeq toquinnartarpoq qimmit nappaataannik tunillanneqarsimaguni.
Parvovirus
Parvovirusi inalukkani amerliartortarput aamma virusip ilai sananeqaatit millionillit qimmip anaani nassaarineqarsinnaapput. Virusip sananeqaatai manngertuupput qaammatillu arfinillit uumasinnaallutik, aamma silami issittumi. Tamanna pissutaagunarpoq qimmit amerlanerit tunillanneqartarmata nunamiittunit tunillanneqarnikkut. Tunillatsinneq pisarpoq qanikkut.
Parvovirusimik toqoraasinnaasumik katsorsaateqanngilaq, malunnaataali nakorsarneqarsinnaavoq amerlanertigulli qimmeq toquinnartarpoq parvovirusimik tunillanneqarsimaguni.
Parvovirusi pinaveersaartinneqarsinnaavoq akiuussutissamik kapitinnikkut.
Qimmit nappaataannut- parvovirusimullu kapuut pingasoriarluni tunniunneqartarpoq ukiup ataatsip iluani kingornalu ukiut pingasukkaarlugit.
Eqqaamajuk: Arnaviap kapoorneqarneri ajunngikkunik piarai virusimut illersugaassapput uumanerini qaammatini siullerni pissutigalungu stoffi akiuussutissaq immummeersoq.