Services

Naluttarfik Malik 2019-imi Den Store Svømmedag peqataaffigissavaa.

Paasissutissaq qangarnissaq

Akit, ammasarfiit, malittarisassallu il.il. uani saqqummiunneqartut qanganitsersimasinnaapput.

Nalunnermik aaqqissuussaq Den Store Svømmedag nuna tamakkerlugu oktobarimi sapaat siullermi ingerlanneqalerpat, Naluttarfik Malik aningaasanik eqquiniarnermi peqataasaaq. Den Store Svømmedag aaqqissuunneqartarpoq Dansk Svømmeunionimit, nuna tamakkerlugu nalunnermut klubbit naluttarfiillu peqataaffigisartagaaq.

Unamminermut peqataagit ajugaaniaqatigalutalu

Den Store Svømmedag, Danmarkimi nuna tamakkerlugu nalunnermik aaqqissuussani annersaavoq, inuit nalunnermik nuannarisallit najukkami naluttarfimmut nalukkiartinniarlugit tamanut aaqqissuussaasoq. Peqataasunut qanoq takitigisumik naluttoqarnissaanik piumasaqaateqartoqanngilaq – meterilli tamaasa pisariaqartippavut!

Naluttarfik Malimmiit Sarfaarsuit 4 peqataasinnaasut tamarmik alakkaasinnaanerat kissaatigineqarpoq, sapaat 6. oktober nalunaaqutap 08.00-14.00 akornanni, piffissami tassani nalunneq akeqassanngilaq.  

Tamassi tikilluaqqusaavusi: inuussuttut utoqqaat, mikisut angisuullu. Piumasaqaatituaraarput nalussinnaassasutit Naluttarfik Malillu meterinik amerlanerpaanik nalunnissaanik aamma/imaluunniit naluttarfimmut aqqartoqarnerpaanissaanut ikioqataassasutit.

Peqataasut tamarmik kusanartunik diplominnassapput.

Takkuttut tamarmik naluttarfimmullu aqqarsimasut tamarmik aaqqissuussamut peqataasimanermut uppernarsaammik diplominnassapput. Peqatigitillugulu Naluttarfik Malik/Naluttartut klubbiat Nuuk akissarsiassarpassuarnik kusanartunik pinnannissaannut ikiuissaatit.

Den Store Svømmedagimi eqqugassat:

Ukioq manna naalagaaffimmi naluttarfinni 38-nit ikinnerunngitsunik naluttoqassaaq, taakkunanilu ukua eqqorniarneqarput:

  • Aaqqissuussiffinni sapinngisamik inunnik amerlanerpaanik peqataatitsinermi eqqugassaqarpoq.
  • Aaqqissuussiffinni innuttaasut amerlassusaat naapertorlugu nalukkiartoqarnerpaaq eqqugassaqarpoq.
  • Naggataatigullu aaqqissuussiffinni peqataasunut agguaqatigiissillugit akunnerit arfinillit sinnerlugit ingerlanneqartumut meterinik amerlanerpaanik ingerlatsisimasunut pinnatassaqartitsisoqassaaq.

Eqqugassat ima agguataagaapput:

Naluttarfimmi peqataasut amerlanerit:1.
 akissarsiassaq: 5.000 koruunit
2. akissarsiassaq: 3.000 koruunit
3. akissarsaissaq: 2.000 koruunit

Illoqarfimmut naleqqiullugu peqataasut amerlassusaat. akissarsiassaq: 5.000 koruunit
2. akissarsiassaq: 3.000 koruunit
3. akissarsiassaq: 2.000 koruunit

Nalunnermi meterit amerlanerpaat:
1. akissariassaq: 5.000 koruunit
2. akissarsiassaq: 3.000 koruunit
3. akissarsiassaq: 2.000 koruunit

Unammineq internetikkut malinnaaffigiuk

Dansk Svømmeunionip nittartagaa: www.svoem.org/svoemmedag  ulloq naallugu pisunik malinnaavigisinnaavat, taamaliornikkullu uagutsinnut inornanngitsumi aningaasanik eqquinersugut malinnaavigaluta.

Arctic Import

Ukioq manna Arctic Import peqataasunut tamanut naatitanik tunisisuuvoq, takkuttunut tamanut Naluttarfik Malimmilu naloqataasunut tamanut.

Arctic Importimut suleqatigiilluarnitsinnut qujanarujussuaq.

15-issaanik peqataaneq

Nalunnermik unammineq ileqquliussimasanik sammisassarpassuaqarfiusumi Naluttarfik Malik 15-issaa peqataavoq.

Den Store Svømmedagi pillugu paasisaqarnerorusukkuit Bruno Heilmann attavigineqarsinnaavoq oqarasuaammut: 366312